Kulašoŭ: Usie troje zatrymanych pryznali svaju vinu

Adzin z zatrymanych, na padstavie sabranych dokazaŭ, maje dačynieńnie da vybuchu ŭ Minsku na śviatkavańni Dnia Niezaležnaści 4 lipienia 2008 hoda i da vybuchaŭ u Viciebsku ŭ vieraśni-kastryčniku 2005 hoda.

Usie zatrymanyja pa spravie ab terakcie ŭ minskim mietro pryznali svaju vinu, paviedamiŭ 13 krasavika žurnalistam ministr unutranych spraŭ Biełarusi Anatol Kulašoŭ.

Pavodle jaho słoŭ, 12 krasavika ŭ Minsku supracoŭnikami milicyi pry padtrymcy bajcoŭ śpiecpadraździaleńnia MUS pa baraćbie z teraryzmam «Ałmaz» byli zatrymanyja try padazronyja ŭ datyčnaści da vybuchu. (Siońnia ranicaj Hienprakuratura paviedamlała pra dvuch zatrymanych).

Zatrymanyja nie źjaŭlajucca staličnymi žycharami, zaznačyŭ Kulašoŭ.

Jon taksama paviedamiŭ, što adzin z zatrymanych, na padstavie sabranych dokazaŭ, maje dačynieńnie da vybuchu ŭ Minsku na śviatkavańni Dnia Niezaležnaści 4 lipienia 2008 hoda i da vybuchaŭ u Viciebsku ŭ vieraśni-kastryčniku 2005 hoda.

Pavodle słoŭ ministra, zaraz idzie zbor dadatkovych materyjałaŭ, acenka i sistematyzacyja dokazaŭ.

Kamientary da artykuła