Kožnuju piatnicu ź nieciarpieńniem čakaju kapertu z majoj lubimaj hazetaj.
Budziem spadziavacca, što nastupnaje stahodździe budzie lahčejšym – Biełaruś stała niezaležnaj dziaržavaj i, daść Boh, chutka budzie i demakratyčnaj.
Vy niasiecie biełarusam praŭdu, tamu Vas i pryciskajuć, robiać usio, kab «Naša Niva» pierastała isnavać i «Naša Niva» vymušana abaraniacca, tamu jana i «apranuła» šery sałdacki šynel (ja maju na ŭvazie koler kaperty, u jakoj my atrymlivajem ciapier «Našu Nivu»).
Ja čuŭ na «Svabodzie» apytańni čytačoŭ. Adnamu padajecca mała palityki, druhomu – litaraturnych staronak, treci naahuł čytaje jaje 5 chvilin i vykidvaje. Ja liču, što «Naša Niva» pavinna zastavacca takoju, jakaja jość i jakuju lubiać čytačy. Navat pierachodzić na kalarovy druk (jak ciapier robiać bolšaść hazet) nia varta. Za 100 hod u «Našaj Nivie» skłalisia svaje tradycyi, svoj styl, a heta kaštuje mnohaha. «NN» jak lusterka adbivaje našaje žyćcio takim, jakim jano jość: z radaściu, nadziejaj, rasčaravańniem i h.d. Pa staronkach «NN» budučyja historyki buduć vyvučać naš čas i ŭ svaich pracach zrobiać spasyłku na našu hazetu.
Trymajsia, maja lubimaja «NN». Jak kažuć u narodzie: «Ciažka žyć na biełym śviecie tolki pieršyja sto hod...» Budziem spadziavacca, što nastupnaje stahodździe budzie lahčejšym – Biełaruś stała niezaležnaj dziaržavaj i, daść Boh, chutka budzie i demakratyčnaj.
Vinšuju ŭsich supracoŭnikaŭ «NN», jaje čytačoŭ i prychilnikaŭ z 100-hodździem «NN»! Pośpiechaŭ usim Vam! Spaŭnieńnia ŭsich Vašych pažadańniaŭ i ŭsiaho samaha najlepšaha!