U internecie źjaviŭsia błoh Usiasłava Čaradzieja
«Raptam adčuvaju — pieratvarajusia ŭ žyviołu. Śpiarša padumaŭ, što heta ja ŭ pieranosnym sensie: hlanuŭ na hožuju dzieŭku, i ŭva mnie pakrysie pračynajecca pažadlivy źviaruha».
U biełaruskim siektary internetu źjaviŭsia błoh Usiasłava Čaradzieja, lehiendarnaha połackaha kniazia, budaŭnika Safijskaha sabora, jaki, pavodle staražytnych letapisaŭ, vałodaŭ zvyšnaturalnymi zdolnaściami.
Błoh znachodzicca pa adrasie tut.budzma.org, dzie Čaradziej na sučasnaj movie dzielicca z čytačom tym, jak heta — być u škury
Tak Usiasłaŭ apisvaje rašeńnie pakazacca svajoj družynie ŭ voŭčym abliččy i toje, što z hetaha atrymałasia:
«Raptam adčuvaju — pieratvarajusia ŭ žyviołu. Śpiarša padumaŭ, što heta ja ŭ pieranosnym sensie: hlanuŭ na hožuju dzieŭku, i ŭva mnie pakrysie pračynajecca pažadlivy źviaruha. Vyjaŭlajecca — skulla: u naŭprostym sensie — chvost u łavu ŭpirajecca».
To kniaź raźbirajecca z zachopnikami, što pretendujuć na jaho žyłpłošču — Połacki zamak:
«Zavitalitatara-manhoły .
Ja, viadoma, adrazu ŭ vaŭka pierakinuŭsia i pozu paefiektniej pryniaŭ. Ale jany kažuć: «Jak na nas, dyk nam plavać, čałaviek ty ci voŭk. My pa daninu pryjšli, i chto nam jaje daść — nam fijaletava. I ŭvohule, my nie
Žyvomu časopisu połacki kniaź daviaraje ŭłasnaje žyćcio, skardzicca na niedaskanałaść i adstałaść sučasnaha jamu siaredniaviečnaha hramadstva, dzielicca luboŭnymi pieražyvańniami i navat raicca z naviednikami jaho błohu, jak pastupić u toj ci inšaj palityčnaj situacyi.
ŽČ Usiasłava Čaradzieja adkryty ŭ miežach prajektu «BudźmaTUT», inicyjavanaha ahulnanacyjanalnaj hramadzianskaj kampanijaj «Budźma biełarusami!» i partałam «TUT.BY»