U Minsku ludzi atakavali milicyjantaŭ, jakija raźbili hałavu mužčynu - videa
abnoŭlena. dadalisia fota, aŭdyjo, kamientary abodvuch bakoŭ
Toj zastupiŭsia za studenta-bieźbiletnika.
Siońnia ŭ Minsku adbyłosia niezvyčajnaje zdareńnie.Na adnym z aŭtobusnych prypynkaŭ, raźmieščanych la stancyi mietro «Niamiha», dva milicyjanty hruba zatrymali čałavieka. Toj zastupiŭsia za
«Žyvioła ty!» — kryčała adna z žančyn milicyjanieru, jaki kruciŭ ruki schoplenamu čałavieku. «Adpuścicie jaho! Što vy tvorycie?» — danosicca z tłumu na adras pravaachoŭnikaŭ. «Za vasiemsot rubloŭ čałavieka bjuć», — aburalisia ludzi.
Zatrymanamu supracoŭniki pravaachoŭnych orhanaŭ raźbili hałavu da kryvi. Vidavočcy paviedamlajuć, što jon nie supraciŭlaŭsia milicyjantam.
«Ja ŭpieršyniu takoje baču, kali adrazu stolki ludziej vystupajuć suprać dziejańniaŭ milicyi. Tam sabrałasia vielmi šmat narodu — ad 50 da 100 čałaviek. Jany patrabavali ŭ milicyjanieraŭ adpuścić čałavieka. Usio było na miažy zryvu. Vielmi kanfliktnaja situacyja», — raspavioŭ u razmovie z karespandentam «Našaj Nivy» fatohraf Anton Matolka, jaki staŭ śviedkam padziej. «Usio adbyłosia la apteki, što pad prystupkami, što viaduć na druhi pavierch handlovaha doma „Na Niamizie“. Adzin ź milicyjanieraŭ zakruciŭ ruki zatrymanamu, čaplaŭ na ich kajdanki. Druhi sprabavaŭ strymlivać ludziej. Paśla ŭmiašalnictva bolšaj kolkaści milicyjanieraŭ zatrymanaha pahruzili ŭ mašynu i pavieźli», — dadaje jon.
Partał tut.by zmoh uziać kamientar u źbitaha milicyjantami mužčyny. Jaho zavuć Aleh i jon pryznaje, što sprabavaŭ vyrvacca ad milicyjantaŭ.
«Nu, zastupiŭsia za chłopca. Pierakonvaŭ kantralora, kab adpuściła bieźbiletnika. Aŭtobus spyniŭsia, a svarka pamiž mnoju i kantralorkaj praciahvałasia. Chłopiec paśpieŭ uciačy, a mnie nie ŭdałosia.Potym razhortvalisia padziei pa narastajučaj, viedajecie, jak śniežny kom z hary lacić. Prosta stała škada chłopca, kali b heta byŭ niejki niahodnik… Ciapier heta sprava afarmlajecca aficyjna. Niepadparadkavańnie uładam», — raspavioŭ jon žurnalistam.
Pa viersii
Milicyjanty ŭstupili ŭ razmovu z parušalnikam, jaki zrazumieŭ, što nie maje racyi i pahadziŭsia zapłacić štraf. U hety čas niechta z aŭtobusa pačaŭ aburacca dziejańniami supracoŭnikaŭ milicyi. I ŭstupiŭ u svarku — pačaŭ ich abražać, vieści siabie nieprystojnym čynam. Zahuŭ uvieś prypynak.Niechta byŭ za supracoŭnikaŭ milicyi, chtości suprać».
Reparciory fiksujuć u Minsku nastroi abureńnia i hnievu rostam cen i devalvacyjaj. Adzin mužčyna zajaviŭ reparciorcy: «Jak jon [Łukašenka] z nami, tak i my ź im. Nie budziem płacić za prajezd». Jany pieranosiać abureńnie ŭładami na haradskija i kamunalnyja słužby, a taksama na supracoŭnikaŭ pravaachoŭnych orhanaŭ, jakija da ekanamičnych prablem ni pry čym.
Razmova z tvitarankaj @lubovik, jakaja była śviedkam bojki na Niamizie by mcdavid
Fota Antona Matolki.
Fota dasłana čytačom.
Fota dasłana čytačom.
Fota dasłana čytačom.
Fota dasłana čytačom.