Statkieviču dali 6 hadoŭ kałonii: fota i videa z suda
Dźmitryja Usa ŭziali pad vartu ŭ zale suda.
Žonka Mikałaja Statkieviča Maryna Adamovič paśla abviaščeńnia prysuda.
Žonka Dźmitryja Usa, jaje nie puścili ŭ zału, kab pieradać rečy mužu.
Siastra Alaksandra Kłaskoŭskaha Volha, jaje nie puścili ŭ zału suda
Płača maci Alaksandra Kviatkieviča.
Pasoł Niamieččyny i baćka A.Kłaskoŭskaha, žurnalist Alaksandr Kłaskoŭski.
Uładzimir Niaklajeŭ
Maci Dźmitryja Usa klała Alaksandra Łukašenku.
Maci Alaksandra Kłaskoŭskaha płakała.
Maci Dźmitryja Usa klała Alaksandra Łukašenku.
Dźmitryj Us pierad pačatkam abviaščeńnia prysuda.
Žonka Mikałaja Statkieviča Maryna Adamovič pierad pačatkam abviaščeńnia prysuda.
Pierad prysudam.
Žurnalisty nastrojvajuć kamiery.
Arciom Hrybkoŭ.
Alaksandr Kłaskoŭski-małodšy
Mikoła Statkievič.
Dźmitryj Bułanaŭ.
Mikołu Statkieviča pakarali (sudździa — Ludmiła Hračova) 6 hadami kałonii ŭzmocnienaha režymu, Dźmitryja Usa — 5 z pałovaj hadoŭ kałonii ŭzmocnienaha režymu, Alaksandru Kłaskoŭskamu — 5 hadoŭ kałonii ŭzmocnienaha režymu. Alaksandru Kviatkieviču — 3,5 hoda kałonii, Dźmitryju Bułanavu — 3, Arciomu Hrybkovu — 4 hady kałonii ŭzmocnienaha režymu, Andreju Paźniaku — 2 hady abmiežavańnia voli biez nakiravańnia ŭ miescy adbyćcia pakarańnia, jaho vyzvalili u zale suda.
Sud ustanaviŭ, što byłyja kandydaty ŭ prezidenty Statkievič i Us rychtavali masavyja biesparadki, nieadnarazova abmiarkoŭvali hetuju temu, što Us źbiraŭ źviestki ab dysłakacyi padraździaleńniaŭ milicyi na Kastryčnickaj płoščy i kala Administracyi prezidenta i pieradavaŭ ich Statkieviču. Sudździa taksama zajaviła, što Statkievič i Us uznačalvali «natoŭp, jaki biasčynstvavaŭ», padčas šeścia pa praśpiekcie Niezaležnaści.
Z abvinavačańnia była vyklučana taja akaličnaść, što ŭ momant učynieńnia złačynstva Alaksandr Kłaskoŭski byŭ u stanie ałkaholnaha ap`ianieńnia — heta dakazać nie ŭdałosia. U cełym sud pryznaŭ, što 19 śniežnia mieli miesca masavyja biesparadki, jakija supravadžalisia nasillem nad asobaj, pahromami, padpałami, uzbrojenym supraciŭleńniem.
Mikałaj Statkievič, pačuŭšy pryhavor, padziakavaŭ ludziam u zale, jakija pryjšli jaho padtrymać, i kryknuŭ «Žyvie Biełaruś!», na što zała adkazała «Žyvie!».
Paźniak vyjšaŭ z budynka ŭ abdymku ź dziaŭčynaj. Ad intervju jon admoviŭsia.
Dźmitryja Usa ŭziali pad vartu prosta ŭ zale suda. Tolki praź niejki čas jamu atrymałasia pieradać torbu z rečyvami.
Mama Dźmitryja Usa: «Boža, što robicca. Moj syn chacieŭ svabodnych vybaraŭ, a jaho asudzili».
Jak adreahavali na prysud svajaki i blizkija Dźmitryja asudžanych, videa:
*** 14:10
Na prośbu Statkieviča vyrak začytvajecca całkam, kab jašče raz pačuć pra kaktejl Mołatava, skazaŭ Mikoła Statkievič. Sudździa Hračova čytaje prysud vielmi cicha. Prysutnyja ŭ zali aburajucca, što ničoha nie čuvać i patrabujuć uklučyć mikrafon. Sudździa Hračova pryhraziła, što zahadaje vyzvalić zalu, ale ludzi praciahvali aburacca. Sudździa stała čytać hučniej, paviedamlaje Radyjo Svaboda,
***
Na abviaščeńnie prysudu pryjšło vielmi šmat ludziej, žurnalistaŭ, zamiežnych dypłamataŭ. Časovy pavierany ŭ spravach ZŠA Majkł Skenłan, pasoł Niamieččyny, pasoł Šviecyi Stefan Eryksan.
Dźmitryj Us pryjšoŭ sa stareńkaj maci, jakuju jon vioŭ za ruku. Pryjšoŭ Uładzimir Niaklajeŭ, hramadskija dziejačy Viktar Ivaškievič, Juraś Hubarevič.
U zału suda nie zmahli trapić bolš za 50 čałaviek.
***
Za ŭdzieł u padziejach na Płoščy na roznyja terminy i formy źniavoleńnia asudžana 42 čałavieki, u tym liku piaćeks-kandydataŭ ŭ prezidenty (Andrej Sańnikaŭ, Uładzimir Niaklajeŭ, Vital Rymašeŭski, Mikałaj Statkievič, Dźmitryj Us).
Za ŭdzieł i kiravańnie «masavymi biesparadkami»
Siarhieju Vaźniaku, Alaksandru Fiadutu, Andreju Dźmitryjevu — 2 hady ŭmoŭna, Naście Pałažancy — 1 hod umoŭna.
Vasil Parfiankoŭ, jaki atrymaŭ čatyry hady pazbaŭleńnia voli ŭ kałonii strohaha režymu; Alaksandr Atroščankaŭ — da čatyroch hadoŭ u kałonii ŭzmocnienaha režymu; Mikita Lichavid — da troch z pałovaj hadoŭ pazbaŭleńnia voli, Dźmitryj Novik i Alaksandr Małčanaŭ — da troch z pałovaj i troch hadoŭ u kałonii ŭzmocnienaha režymu adpaviedna; hramadzianie RF Arciom Breus i Ivan Haponaŭ — da štrafu ŭ 300 bazavych vieličyniaŭ (10,5 młn. rubloŭ) kožny; Dźmitryj Miadźviedź — da troch hadoŭ abmiežavańnia voli biez nakiravańnia ŭ papraŭčuju ŭstanovu. Aleś Kirkievič asudžany na 4 hady źniavoleńnia, Pavieł Vinahradaŭ — na 4 hady, Andrej Pratasienia — 3 hady, Źmicier Drozd — na 3 hady, Uładzimir Chamičenka — 3 hady.
Uładzimir Łoban asudžany da 3 hod pazbaŭleńnia voli, Andrej Fiedarkievič — da 3,5, Jaŭhien Sakret — da 3, Siarhiej Kazakoŭ — da 3, Dźmitryj Daronin — da 3,5 hadoŭ u kałonii ahulnaha režymu, Vital Macukievič — da 3 hadoŭ kałonii stroha režymu.
Za padrychtoŭku dziejańniaŭ, što parušajuć hramadski paradak (art. 342), na 2 hady kałonii ahulnaha režymu byŭ asudžany kaardynatar «Jeŭrapiejskaj Biełarusi» Źmicier Bandarenka.
Pavieł Sieviaryniec byŭ asudžany na try hady abmiežavańnia voli z nakiravańniem u miesca adbyćcia pakarańnia (h.zn. chimii), žonka Andreja Sańnikava, žurnalistka Iryna Chalip na dva hady abmiežavańnia voli z adterminoŭkaj na dva hady, taki ž termin atrymaŭ i kiraŭnik štaba Mikałaja Statkieviča Siarhiej Marcaleŭ.
Za złosnaje chulihanstva byli taksama asudžanyja Źmicier Daškievič i Eduard Łobaŭ — na dva i čatyry hady pazbaŭleńnia voli adpaviedna. Ich zatrymali 18 śniežnia, za dzień da prezidenckich vybaraŭ.
***
Abvinavačanyja pa kryminalnaj spravie «Masavyja biesparadki», jakija jašče nie asudžany:
Arastovič Alaksandr vyzvaleny
Padazravanyja pa kryminalnaj spravie «Masavyja biesparadki»:
Apišaŭ Dźmitryj, Vasileŭski Alaksandr, Husielcaŭ Dzianis, Davydzienka Anton, Kavalenka Usievaład — mahčymy padazravany, Kastusioŭ Ryhor, Klujeŭ Siarhiej, Krasnoŭ Mikita — znachodzicca za miežami Biełarusi, Mikałajeŭ Andrej, Navicki Leanid — znachodzicca za miežami Biełarusi, Šarstoŭ Alaksiej, Šydłoŭski Dzianis.