Kraina ŭratavanaja. Prymiežnyja bienzinavozy zmohuć jeździć tolki raz na 6 dzion

Ale ŭ Rasiju i Kazachstan — vazi, kolki chočaš.

Bienzin, vyviezieny fizičnaj asobaj bolš za adzin raz na praciahu piaci sutak, budzie abkładacca ekspartnaj pošlinaj. Ale ŭ Rasiju i Kazachstan — vazi, kolki chočaš.

nabyvaje moc z 8 hadzin ranicy 11 červienia, paviedamiŭ Dziaržaŭny mytny kamitet.

Vyšejzhadanaja norma nie raspaŭsiudžvajecca na:

— supracoŭnikaŭ dypłamatyčnych pradstaŭnictvaŭ, konsulskich ustanoŭ, mižnarodnych arhanizacyj, pradstaŭnictvaŭ hetych arhanizacyj i členaŭ ich siemjaŭ — pry pradjaŭleńni dypłamatyčnych (słužbovych) pašpartaŭ abo inšych dakumientaŭ, jakija paćviardžajuć ich status;

— fizičnych asob, jakija pracujuć u dziaržaŭnych orhanach i inšych dziaržaŭnych arhanizacyjach, a taksama vajennasłužačych, asob kirujučaha i radavoha składu orhanaŭ unutranych spraŭ, orhanaŭ i padraździaleńniaŭ pa nadzvyčajnych situacyjach, orhanaŭ finansavych rasśledavańniaŭ, jakija nakiroŭvajucca ŭ słužbovyja kamandziroŭki za miažu, — pry pradjaŭleńni vypisak z rašeńniaŭ adpaviednych orhanaŭ (arhanizacyj) i (ci) kamandzirovačnych paśviedčańniaŭ, vydadzienych hetymi orhanami (arhanizacyjami);

— fizičnych asob, jakija vyjazdžajuć na lačeńnie i (ci) kansultacyju, — pry pradjaŭleńni adpaviednych dakumientaŭ, sanatorna-kurortnych kart ci puciovak;

— rabotnikaŭ dziaržaŭnych arhanizacyj dziaržaŭ — členaŭ Mytnaha sajuza, što znachodziacca na terytoryi zamiežnych dziaržaŭ, — pry pradjaŭleńni słužbovych paśviedčańniaŭ;

— vadzicielaŭ aŭtatranspartnych srodkaŭ, jakija ažyćciaŭlajuć mižnarodnyja pieravozki pasažyraŭ, — pry pradjaŭleńni dazvołaŭ na pieravozku pasažyraŭ aŭtobusami ŭ mižnarodnych znosinach abo farmularaŭ (śpisaŭ pasažyraŭ) (dla zamiežnych mižnarodnych pieravozčykaŭ pasažyraŭ i bahažu);

— fizičnych asob, jakija pierasiakajuć mytnuju miažu Mytnaha sajuza ŭ Respublicy Biełaruś na padstavie pracoŭnych viz, vydadzienych u dziaržavach — členach Mytnaha sajuza abo ŭ zamiežnych dziaržavach.

Pytańnie ŭviadzieńnia abmiežavalnych mier «dla praduchileńnia śpiekulacyjnaha vyvazu ŭ sumiežnyja krainy sacyjalna značnych tavaraŭ» abmiarkoŭvałasia 10 červienia padčas sustrečy Alaksandra Łukašenki ź dziaržaŭnym sakratarom Savieta biaśpieki Leanidam Malcavym. Na sustrečy taksama prysutničała kiraŭnictva MUS, KDB, Dziaržaŭnaha mytnaha i Dziaržaŭnaha pahraničnaha kamitetaŭ, paviedamiła pres-słužba prezidenta.

Łukašenka «zavastryŭ uvahu na prablemie aktyŭnaha vyvazu ŭ sumiežnyja krainy sacyjalna značnych tavaraŭ, u tym liku aŭtamabilnaha paliva, praduktaŭ charčavańnia, na jakija ceny ŭ Biełarusi značna nižejšyja, čym u susiedziaŭ». «Tamu, naturalna, stvarajecca nie prosta pahroza, a my nazirajem niearhanizavany, va ŭron našym tavaravytvorcam vyvaz hetaj pradukcyi», — adznačyŭ aficyjny lidar.

Pavodle jaho słoŭ, kali dziejničać rynačnymi mierami, to treba było b značna padniać ceny na ŭnutranym rynku, što ŭ ciapierašniaj situacyi niemahčyma. «Tamu vymušanaja, ale, na žal, miera nieabchodnaja, jakuju treba ŭvieści, — spynić niesankcyjanavany śpiekulacyjny vyvaz ź Biełarusi tavaraŭ za miežy krainy», — skazaŭ Łukašenka.

Razam z tym jon padkreśliŭ, što zabaraniać vyvaz tavaraŭ nie płanujecca: «Naprykład, kali viazieš paliva ŭ Litvu, zapłaci ekspartnuju pošlinu na hety bienzin ci naftu, ci dyzpaliva i viazi, kali łaska — nichto nie suprać».

Łukašenka nahadaŭ, što napiaredadni daručyŭ vypracavać kompleks mier i ŭžo z 11 červienia pačać ich realizacyju pa spynieńni śpiekulacyjnaha vyvazu pradukcyi. U dačynieńni da parušalnikaŭ jon zapatrabavaŭ dziejničać «samym surjoznym čynam».

«Miery prymajcie lubyja, až da kanfiskacyi majomaści, jakoj jany karystajucca dla vyvazu hetych praduktaŭ (aŭtamabil, kalaska, koń i h.d.). Nielha — značyć nielha», — zajaviŭ biełaruski kiraŭnik.

«Pryniatyja rašeńni, i hetyja rašeńni ŭžo ŭvasablajucca ŭ žyćcio, što pry vyvazie za terytoryju Mytnaha sajuza aŭtamabilnaha paliva i inšych sacyjalna značnych tavaraŭ, na jakija isnuje roźnica cen, buduć prymianiacca adpaviednyja pošliny ci zbory, jakija buduć kampiensoŭvać hetuju roźnicu cen», — paviedamiŭ Leanid Malcaŭ.

Pavodle jaho słoŭ, heta ahulnasuśvietnaja praktyka abarony ŭnutranaha rynku ŭ intaresach svaich hramadzian.

Jon padkreśliŭ, što ŭsie abmiežavańni buduć uvodzicca «ŭ strohaj adpaviednaści z abaviazacielstvami, jakija pryniała na siabie Biełaruś u miežach mižnarodnych damoŭlenaściaŭ, i buduć nasić časovy charaktar».

Staŭka vyvaznoj mytnaj pošliny na tavarny bienzin składaje 415,8 dołara ZŠA za 1 tonu, na vadkaje paliva — 215,8 dołara za tonu.

Kamientary da artykuła