Mosar: Letniaja sustreča «Lehijonu Maryi»
U subotu, 11 červienia, u Mosary adbyłasia letniaja sustreča «Lehijonu Maryi» kuryi Maci Božaj Balesnaj (Hłybokaje), u jakuju ŭvachodziać 6 prezidyumaŭ z roznych parafij Viciebskaj dyjacezii.
U 2009 hodzie ŭ Mosary byŭ uračysta aśviečany kryž, ustalavany ŭ honar
Parafijanie — čalcy Lehijonu Maryi z Hłybokaha, Dzierkaŭščyny, Dokšyc, Vierchniadzinska, Achremaŭcaŭ, Duniłavičaŭ i Łučaja — sabranyja ŭ parafijalnym domie spačatku čytali Lehijanierskuju abaviazkovuju malitvu (tessera), pasłuchali spravazdaču kamicyumaŭ i naviny z žyćcia «Lehijonu Maryi» na Biełarusi, a taksama supolna pamalilisia na Ružancy.
Potym udzielničali ŭ śviatoj imšy, słuchali Božaje Słova i malilisia pierad relikvijami śviatoha Justyna ŭ kaplicy, mnohija lehijaniery nabyli
Paśla abiedu ŭ ramkach praktyčnaj dziejnaści lehijaniery achvotna dapamahli kala śviatyni adnavić pryhažość kvietak, staranna ich prapałoli, i, nieŭzabavie, ź nieba palacieli kapli daždžu, jany niby padsumavali hety dzień radaści.
Pierad adjezdam u parafijalnym domie lehijaniery dzialilisia svaimi ŭražańniami za dzień sustrečy. I kali na dušy jość radaść, vialikaja radaść, nie hledziačy na stomu, heta značyć, što Božaja Maci była z nami! Kožny dzień, pražyty dla Boha — heta plonny dzień!
Lehijaniery — tyja, chto ŭ štodzionnaści niasie Boha patrabujučym ludziam. Jany źjaŭlajucca niby praciaham ruk śviatara, ruk samoha Isusa Chrysta, idučy tudy, dzie jość ciarpieńnie, chvaroby, ciažkija žyćciovyja prablemy. Boh, praz sučasnych apostałaŭ, pieramahaje siły ciemry, znachodzić zhublenuju aviečku, uzmacniaje nadzieju i daje radaść mocnaj viery.