Pucin: Ad adnaho lidara za 16 hod stomicca luby narod
Pra heta rasijski premjer napisaŭ adnosna Hielmuta Kola.
U 1999 hodzie, kali ŭ jakaści pierajemnika Barysa Jelcyna byŭ raptam pradstaŭleny Uładzimir Pucin, adbyłasia svajho rodu prezientacyja jaho palityčnych pohladaŭ. U knizie «Ad pieršaj asoby» ciapierašni rasijski premjer raspavioŭ pra siabie ŭsio, što paličyŭ patrebnym.
Byŭ tam i epizod, pryśviečany Hielmutu Kolu, šmat hadoŭ zajmaŭ pasadu kanclera FRH. Uładzimir Pucin tak prakamientavaŭ skandalnuju adstaŭku niamieckaha kiraŭnika, jakaja zdaryłasia niezadoŭha da hetaha:
«U viadomaj stupieni pamyłki byli dapuščanyja i kiraŭnictvam CHDS (partyja, da jakoj naležaŭ Kol). Ad adnaho lidara, navat takoha mocnaha, jak Kol, za šasnaccać hadoŭ stomicca luby narod, navat taki stabilny, jak niemcy. Jany pavinny byli heta svoječasova zrazumieć ... »
Miarkujučy pa ŭsim, Alaksandr Łukašenka knihu «Ad pieršaj asoby» nie čytaŭ. Va ŭsiakim vypadku, pamyłki Hielmuta Kola i inšyja kiraŭnik Biełarusi paŭtaraje.