Stali viadomyja 6 mahčymych supiernikaŭ BATE pa 2-m raŭndzie Lihi čempijonaŭ

Siońnia, a 13-j, u šviejcarskim Ńjonie projdzie losavańnie pieršaha i druhoha raŭndaŭ kvalifikacyi.

Siońnia, a 13-j hadzinie, u šviejcarskim Ńjonie projdzie losavańnie pieršaha i druhoha raŭndaŭ kvalifikacyi futbolnaj Lihi čempijonaŭ.

Siamirazovy čempijon Biełarusi barysaŭski BATE startuje z 2-ha raŭndu.

Papiarednie kamandy raźbityja na try hruły: siejanyja i niesiejanyja.

BATE trapiŭ da siejanych razam z «Rusienborham» (Narviehija), «Visłaj» (Krakaŭ), CHIKam (Finlandyja), «Malmio» (Šviecyja) i «Šemrak Rovierzam» (Irłandyja). Heta aznačaje, što jany nam nie trapiacca.

A supiernikami BATE mohuć stać:

«Skonta» (Łatvija), «Banhar Sici» (Uels), CHB «Torschavn» (Farery), «Linfiłd» (Paŭnočnaja Irłandyja), «Fłora» (Estonija), «Brejdablik» (Isłandyja).

Matčy 2-ha raŭndu projduć 12–13 i 19–20 lipienia.

***

Letaś BATE taksama startavaŭ z 2-ha raŭndu, dzie minavaŭ isłandski «Chabnarfjordziur», prajhraŭ u 3-m raŭndzie «Kapienhahienu» i vybyŭ u Lihu Jeŭropy.

Siońnia taksama projdzie losavańnie 1 i 2-ha raŭndaŭ Lihi Jeŭropy, dzie ŭdzieł ad Biełarusi biaruć «Šachcior», «Minsk» i «Homiel».

«Minsk» startuje z 1-ha raŭndu. Jaho supiernikami mohuć stać małdaŭski «Miłsami», ałbanski «Fłamurtary», azierbajdžanski «Alimpik», kazachski «Irtyš», armianski «Ulis».

Kamientary da artykuła