Kadafi iznoŭ staŭ hanarovym doktaram BDUIR
Livijski lider Muamar Kadafi iznoŭ źjaviŭsia ŭ śpisie hanarovych daktaroŭ Biełaruskaha dziaržaŭnaha ŭniviersiteta infarmatyki i radyjoelektroniki.Nahadajem, što 7 krasavika pałkoŭnik ź pieraliku hanarovych daktaroŭ źnik, a administracyja admoviłasia kamientavać situacyju, spasłaŭšysia na toje, što ich kudy bolš cikavić los livijskich aśpirantaŭ, a nie źniknieńnie «Lidara Vialikaj Livijskaj Revalucyi» (mienavita takim čynam Kadafi charaktaryzujecca na sajcie VNU).
Navina pra toje, što Kadafi atrymaŭ hanarovaha doktara BDUIR «za značny ŭniosak u raźvićcio adukacyi i navuki, a taksama za ŭmacavańnie supracy miž VNU Respubliki Biełaruś i Vialikaj Sacyjalistyčnaj Narodnaj Livijskaj Arabskaj Džamachiryi», źjaviłasia paśla taho jak u Livii mirnyja pratesty pačali dušyć tankami i avijacyjaj. U bajnecie paŭžartam pačali kazać pra BDUIR, jak pra vierahodnaje miesca pracy dla Kadafi ŭ vyhnańni.