«Biełaruski cud» ad NTV
Biełarusi rajać pradać bujnyja pradpryjemstvy, uvieści rasijski rubiel, a taksama «syści pad kryło da Rasii».
Siońnia pabačyŭ śviet film na telekanale NTV «Biełaruski cud», jon vyjšaŭ u ramkach pieradačy «ČP. Rasśledavańnie». Tamsama raniej vychodziŭ słavuty «Chrosny baćka». U internecie ŭžo źjaviłasia stužka.
U «Biełaruskim cudzie» aŭtary abiacali raźviančać mif pra mocnuju biełaruskuju ekanomiku. U vyniku aŭtary prapanavali Łukašenku pradać bujnyja pradpryjemstvy, uvieści rasijski rubiel, a taksama «syści pad kryło da Rasii». Tolki ŭ takim vypadku mahčymy vychad z kryzisu, upeŭnienyja jany.
Film pačynajecca z kadraŭ biełaruskaj «maŭklivaj revalucyi», a taksama padtrymki pratestoŭcaŭ aŭtamabilistami. «Na vulicy Minska vychodziać nie apazicyjaniery, a zvyčajnyja hramadzianie. Jany nie kryčać i nie vysoŭvajuć łozunhaŭ. Ludzi vychodziać tamu, što im niama na što žyć», — kaža zakadravy hołas.
Film pačynajecca pieradvybarčymi kadrami, kali Łukašenka z synam Kolem i staršynioj Nacbanka Prakapovičam siadzieli na załatych źlitkach. Pieršym hierojem filma stanovicca były staršynia Nacbanka Stanisłaŭ Bahdankievič. «Uzrovień žyćcia ŭ nas byŭ vyšejšy, čym my zarablajem», — kaža jon.
Demanstrujucca kadry telekanała «Biełsat». Zakadravy hołas kaža, što biełaruskija rubli pieratvarylisia ŭ fanciki. «I situacyja stała niekiravanaj», — havoryć hałoŭny redaktar časopisa «Ekśpiert» Valer Fadziejeŭ. Zhadvajecca, što ekspart tavaraŭ ź Biełarusi značna adstavaŭ ad impartu.
«Biełaruskaje salda minus 16% — heta nacyjanalnaja katastrofa», — kaža ekanamist Alaksandr Pryvałaŭ. Apaviadajecca pra kuplańnie ludzi valuty. Cytujecca Prakapovič, što nijakaj razavaj devalvacyi nie budzie. «Čerhi za valutaj stali kruhłasutačnymi».
Demanstrujucca kadry pradprymalnicy Taćciany, jakaja musić kupić rasijskija rubli, kab nabyć tavar. «Situacyja prynižalnaja, ale što zrobiš», — kaža jana.
Jaŭhien Korsak kaža, što vymušany nabyvać valutu na «čornym rynku», kab trapić u Polšču. Navat demanstrujucca kadry abmienu. Praŭda, zamyty tvar u dziaŭčyny, u jakoj nabyvaŭ valutu Jaŭhien. Idzie karotki apovied pra sajt prokopovi.ch.
Jość kadry z rynka, dzie handluje Aleś Taŭstyka. Heta idzie pad słovy pra tavarny i praduktovy ažyjataž. «Ludzi brali mahaziny šturmam».
Piensijanier Michaił Karpovič pierad telekamieraj pracuje na ŭłasnym harodzie. Kaža, što ŭsia nadzieja tolki na jaho. Pravaabaronca Kaciaryna Sadoŭskaja narakaje, što nie zmahła nabyć novuju šafu.
Pradprymalnik Andrej Kabanaŭ raskazvaje pra skandalnaje videa z pjanym namieśnikam ministra ekanomiki Turam.
Ahlad ekanamičnaj situacyi praciahvaje stanovišča ź bienzinam, kali ceny ŭzraśli na 30%. U toj samy dzień u Minsku prajšła akcyja
Aŭtary raskazvajuć, što prodaž bienzinu byŭ klučavym punktam dachodaŭ biełaruskaha biudžetu, kali našy pradpryjemstvy pa lhotnych cenach nabyvali naftu ŭ Rasii, a ŭžo pierapracavanuju pradukcyju pradavali na Zachad. «Heta była čystaja śpiekulacyja», — kaža deputat Dziarždumy Pavieł Miadźviedzieŭ.
Lidar inicyjatyvy «Za aŭto» Arciom Šarkoŭ kaža, što ludzi mohuć ciapier nabyć u dva razy mieniej paliva, čym raniej.
«Biełaruskija ŭłady časta lubili havaryć pra asablivym šlachu ekanamičnaha raźvićcia. Źjaviŭsia navat termin «biełaruski cud». Astravok sacyjalistyčnaj ekanomiki ŭ akijanie kapitalizmu», — kažuć aŭtary.
Adrazu paśla hetych słovaŭ videaintervju Mikoły Statkieviča. Vidać, toje, što jon davaŭ dla «Chrosnaha baćki». Siońniašni palitviazień kaža, što Biełaruś faktyčna znachodzicca ŭ stanie defołtu. Havorycca, što Statkievič asudžany na šeść hadoŭ kałonii.
Užo zhadany Fadziejeŭ zaznačaje, što bolšaść biełaruskich tavaraŭ niekankurentazdolnyja. Sistemny administratar Anton Kuralenia raskazvaje, jak na zavodzie «Intehrał» «vyrablajucca» kampjutary. Daŭniaja historyja, kali pad «Intehrałam» apynulisia «Asier».
Źjaŭlajecca ŭ filmie
Aŭtary kažuć, što bolšaść biełaruskich zavodaŭ pabudavanyja jašče za savieckim časam, a pradavać ichniuju pradukcyju štohod stanovicca ŭsio ciažej, a na madernizacyju niama hrošaj.
«Adnak biełaruskija pradpryjemstvy praciahvajuć vypuskać tavar, navat kali jaho nichto jaho nie nabyvaje. Heta pryvodzić da vialičeznych strataŭ. Tym nie mienš, kurs na naroščvańnie ekanomiki praciahvajecca. Z savieckaj epochi mała što źmianiłasia ŭ Biełarusi — sistema kałhasaŭ, płanavaja ekanomika i žaleznaja dyscyplina na dziaržaŭnych pradpryjemstvach», — kažuć NTVšniki.
Palitołah Andrej Suzdalcaŭ raskazvaje pra datacyi, jakija Rasija akazvaje ŭ ekanomiku Biełarusi. «Za apošnija hady datacyi ŭ Biełaruś skłali 60 miljardaŭ dalaraŭ», — kaža jon. Idzie pierakonvańnie, što biez dapamohi Rasii biełaruskaja ekanomika nie vyžyvie.
«Pryjšoŭ čas zaciahnuć pajasy — i heta ŭžo nie sacyjalizm, — kažuć televizijniki. — U kryzisnyja časy ekanomiku moh by vyratavać mały biznes, ale jon u Biełarusi znachodzicca ŭ zarodkavym vyhladzie».
Pradprymalnik Śviatłana Dvaraninava havoryć pra prablemy, ź jakimi sutykajucca drobnyja handlary. «Biznes spyniŭsia, biznesu niama. Jość tolki dumki, idei, kab choć
Stanisłaŭ Šuškievič miarkuje, što palepšyć situacyju možna šlacham prodažu bujnych pradpryjemstvaŭ. Hałoŭnaje — nie paŭtaryć dośviedu rasijskich «lichich
«Pa mierkavańni ekśpiertaŭ, navat kali MVF daść Biełarusi 8 miljardaŭ, to heta ničoha nie źmienić. Novyja daŭhi plus staryja tolki pahoršać situacyju», — kažuć aŭtary «Biełaruskaha cudu».
«Zaraz šaniec dla Łukašenki zaklučajecca ŭ tym, kab syści pad kryło da Rasii. U tym liku, realizavać svaje abiacańni ab tym, što Biełaruś hatovaja ŭvajści ŭ rublovuju zonu. U hetym vypadku biełaruskaja ekanomika adrazu była b zastabilizavanaja i mnohija ź siońniašnich prablem sydzie ŭ adzin momant», — kaža palitołah Viačasłaŭ Nikanaŭ.