Ruch Budučyni zapuściŭ novyja staronki Vkontaktie na zamienu błakavanym
U pryvatnaści, dziejničaje novaja «ściana» i staronka «abmierkavańniaŭ».
Ruch Budučyni ŭžo zapuściŭ novyja staronki Vkontaktie na zamienu błakavanym. Nahadajem, što 2 lipienia ŭłaśniki Vkontaktie zabłakavali supołku «Revalucyja praz sacyjalnyja sietki». U pryvatnaści, dziejničaje novaja «ściana» i staronka «abmierkavańniaŭ». Pracuje i staronka z albomami.
Kali zajści na raniejšuju staronku hrupy «Revalucyja praz…», to ŭbačycie tolki abjavu: «Hrupa časova zabłakavanaja i praviarajecca administratarami, bo niekatoryja karystalniki miarkujuć, što jana nie adpaviadaje praviłam sajta».
Błakavańnie adbyłosia pamiž 10.00 i 11.00 u subotu 2 lipienia.
Na staroncy hrupy hučali zakliki da pratestaŭ u dzień paradu 3 Lipienia. U pryvatnaści, udzielniki hrupy płanavali apładziravać u znak pratestu ŭ časie vystupu Alaksandra Łukašenki. Zapłanavany taksama masavy pratest u časie viečarovaha salutu. Siłavyja struktury łukašenkaŭcaŭ zajavili, što buduć razhladać takija apładysmienty jak parušeńnie pravaparadku.
Praz forumy na
Administratary miarkujuć, što za banam stajać biełaruskija śpiecsłužby. Jany śćviardžajuć, što zadumanyja pratesty nosiać mirny, lehitymny charaktar i adpaviadajuć kanstytucyjnamu pravu na svabodu schodu i mierkavańnia. Viačasłaŭ Dzijanaŭ, adzin z zavadataraŭ pratestu, na svaich staronkach Vkontaktie zaklikaje ŭsich aktyvistaŭ ustrymacca ad vykarystańnia simvoliki i paźbiahać kanfliktaŭ.
Tym časam błakavanyja i niekatoryja inšyja, nie takija šmatlikija hrupy Vkontaktie, jakija mieli antyłukašenkaŭskuju nakiravanaść.
Vkontaktie — heta sietka, stvoranaja ŭ Rasiei. U adroźnieńnie ad Fejsbuka — sietki, što naležyć amierykancu.
Hrupa «Revalucyja praz sacyjalnyja sietki» na momant błakavańnia mieła kala 20 tysiač siabroŭ. Mienavita ŭ joj naradziłasia ideja «Viečaroŭ Apładysmientaŭ» — maŭklivych pratestaŭ u sierady, jakija raspaŭsiudzilisia na 50 haradoŭ Biełarusi.
Supołki na Fejsbuku i ŭ Tvitary praciahvajuć dziejničać bieź pieraškodaŭ.