Padatkovaja patrabuje ad apazicyjaniera patłumačyć krynicu dachodaŭ dla spłaty štrafaŭ

Na hamielčuka Žukoŭskaha łukašenkaŭcy nakłali štrafaŭ na 14 miljonaŭ.

Padatkovaja inśpiekcyja patrabuje ad homielskaha apazicyjaniera Kanstancina Žukoŭskaha rastłumačyć krynicu dachodaŭ na vypłatu šmatlikich administracyjnych štrafaŭ.

Jak skazaŭ Žukoŭski, z 2007 hoda za palityčnuju i hramadskuju dziejnaść jon byŭ pakarany štrafami na ahulnuju sumu kala 14 młn. rubloŭ, ź ich kala 6 młn. užo vypłaciŭ. «Krynicu hetych dachodaŭ i šukaje padatkovaja», — skazaŭ aktyvist.

Padatkovaja inśpiekcyja pa Centralnym rajonie Homiela supastaviła dachody i raschody Žukoŭskaha i ŭstanaviła pieravyšeńnie raschodaŭ nad dachodami ŭ pamiery 5,9 młn. rubloŭ: 2,2 młn. — u 2007 hodzie i 3,6 młn. — u 2008-m.

Miž tym, jak śćviardžaje Žukoŭski, kožny hod jon zapaŭniaŭ dekłaracyju ab dachodach, i nijakich prablem nie ŭźnikała. «Zaraz ža ad mianie patrabujuć rastłumačyć dachody za 2007–2010 hady. Ja baču metanakiravanaje praśledavańnie: štrafy, aryšty, potym kožny hod zapaŭniaŭ dekłaracyju za minułyja hady. Jany prosta chočuć supastavić dekłaracyi za tyja hady i toje, što ja zaraz napišu, kab znajści jakuju-niebudź pamyłku i da čahości pryčapicca. Ja ž nie pamiataju, što ja ŭkazvaŭ try i čatyry hady tamu», — tak prakamientavaŭ situacyju homielski apazicyjanier.

Z 2007 hoda Žukoŭski bolš jak 24 razy aryštoŭvaŭsia i atrymlivaŭ administracyjnyja štrafy.

Kamientary da artykuła