Krasucki: Miaža z Rasiejaj pryviała b usio ŭ cyvilizavanaje rečyšča
Kanflikt pamiž Biełaruśsiu i Rasiejaj u handlova‑ekanamičnaj śfiery, jaki ŭvieś čas narastaje, padryvaje asnovy «sajuznaha budaŭnictva» i ŭ vyniku moža pryvieści da ŭstalavańnia paŭnavartasnaj mytnaj miažy pamiž dziaržavami, ličyć namieśnik kiraŭnika kamisii pa mižnarodnych spravach i suviaziach z SND «pałaty pradstaŭnikoŭ» «nacyjanalnaha schodu» Anatol Krasucki.
Kanflikt pamiž Biełaruśsiu i Rasiejaj u handlova‑ekanamičnaj śfiery, jaki ŭvieś čas narastaje, padryvaje asnovy «sajuznaha budaŭnictva» i ŭ vyniku moža pryvieści da ŭstalavańnia paŭnavartasnaj mytnaj miažy pamiž dziaržavami, ličyć namieśnik kiraŭnika kamisii pa mižnarodnych spravach i suviaziach z SND «pałaty pradstaŭnikoŭ» «nacyjanalnaha schodu» Anatol Krasucki. «Raspačatyja abaimi bakami dziejańni pa pytańni pastavak rasiejskaj nafty ŭ Biełaruś padryvajuć asnovy, zakładzienyja ŭ ramkach Damovy ab stvareńni «sajuznaj dziaržavy», i zakranajuć asnoŭnyja kaštoŭnaści sajuznaha budaŭnictva – Mytny sajuz», – zajaviŭ A.Krasucki «Interfaksu» u čaćvier.
«Pałatnik» ličyć, što adnym z hałoŭnych čyńnikaŭ raspačatych Rasiejaj dziejańniaŭ pa pastaŭkach u Biełaruś hazu i nafty źjaŭlajecca imknieńnie rasiejskaha boku atrymać «smačnyja kavałki biełaruskaj ułasnaści». «Rasieja nazapasiła dosyć mahutnyja ekanamičnyja ryčahi i muskuły za košt atrymańnia miljardaŭ naftadalaraŭ, jakija nieabchodna kudyści ŭkładać. A u Biełarusi jość prynadnyja haliny, jakija źjaŭlajucca cikavymi dla rasiejskaha biznesu – naftapierapracoŭka, Biełtranshaz, Biełaruśkalij, Biełaruski mietałurhičny zavod», – skazaŭ A.Krasucki. U suviazi z hetym, pavodle jaho, «my siońnia i nazirajem ekanamičny presinh i cisk z boku Rasiejskaj Fiederacyi».
Namieśnik kiraŭnika parłamienckaj kamisii ličyć abhruntavanym i adekvatnym pryniaćcie biełaruskim bokam rašeńnia ab uviadzieńni mytnaj pošliny na tranzit rasiejskaj nafty pa biełaruskich naftapravodach u adkaz na rašeńnie ŭrada Rasiei ŭvieści pošlinu na pastaŭki nafty ŭ Biełaruś. A.Krasucki taksama miarkuje, što dadzienaj situacyi možna było b paźbiehnuć, kali b baki svoječasova vyrašyli prablemu padziełu ekspartnych pošlin na biełaruskija naftapradukty. «U dadzienym vypadku biełaruski ŭrad nie dosyć hnutka spracavaŭ u hetych pytańniach, vyjaviŭšy zališniuju samaŭpeŭnienaść», – adznačyŭ A.Krasucki.
«Rasieja vyrazna prademanstravała namier budavać ekanamičnyja adnosiny ź Biełaruśsiu na rynkavych pryncypach. Tamu całkam spraviadlivym ź`iaŭlajecca žadańnie biełaruskaha boku vystavić Rasiei prapanovy pa apłacie ŭsich pasłuh, jakija akazvajucca joj u Biełarusi», – skazaŭ deputat. Tak jon prakamientavaŭ patrabavańnie Alaksandra Łukašenki pastavić pytańnie «ab tranzicie rasiejskaj nafty praź Biełaruś, ab apłacie hetaha tranzitu, ab apłacie za ziamlu, jakaja vykarystoŭvajecca pad hazavyja i naftavyja truby, a taksama pastavić pytańnie ab ułasnaści Rasiei tut».
A.Krasucki vykazaŭ zdahadku, što «nastupnym krokam Rasiei stanie pavieličeńnie čyhunačnych taryfaŭ dla Biełarusi». «Abmien hetymi ŭkołami budzie iści datul, pakul niešta nie zraŭnujecca i vyjdzie na rynkavuju asnovu. Abo pakul my nie pastavim miažu, što pryviadzie ŭ narmalnaje cyvilizavanaje rečyšča ŭsie hetyja adnosiny», – zajaviŭ «pałatnik».
Fota photo.bymedia.net