Raźbiŭsia viadomy minski bajkier Dźmitryj Ściepanienka

Matacyklist dastaŭleny ŭ balnicu ŭ ciažkim stanie, z čerapna-mazhavoj traŭmaj.

16 lipienia raźbiŭsia viadomy biełaruski bajkier Dźmitryj «Pitbul» Ściepanienka.

Miesca zdareńnia.

Dźmitryj Ściepanienka.

Matacyklist dastaŭleny ŭ balnicu chutkaj dapamohi ŭ ciažkim stanie, z čerapna-mazhavoj traŭmaj.

Adzin ź vidavočcaŭ paviedamlaje na forumie padrabiaznaści hetaha DTZ: «Dzima jechaŭ prama, Fokus z sustrečnaj pavaročvaŭ naleva, nie sastupiŭšy darohu matacykłu, i, miarkujučy pa ŭsim, nastolki niečakana, što Pitbul nie mieŭ ni času, ni dystancyi choć jak-niebudź zreahavać. Prytym jaho Hołdvinh z ksienonovoj lustraj na samaj spravie ciažka nie zaŭvažyć, i pa pamierach heta nie sportbajk, dy i daroha tam vydatna prahladajecca, tamu tut adnaznačna vina vadziciela Forda. Sutyknieńnie adbyłosia ŭ pałasie, pa jakoj jechaŭ Dzima, ad udaru ciažki Hołdvinh raźviarnuła, sam jon pieralacieŭ praz mašynu».

Ściepanienka — adzin z najbolš aŭtarytetnych bajkieraŭ Biełarusi, vystupaŭ u abaronu pravoŭ i intaresaŭ matacyklistaŭ. Byŭ u liku arhanizataraŭ roznych biełaruskich motamierapryjemstvaŭ, u tym liku adkryćcia bajkierskaha siezonu ŭ krasaviku 2011 hoda. Mienavita jon arhanizavaŭ bajk-fest«Minsk-2009», u chodzie jakoha Alaksandr Łukašenka sieŭ za rul Harley-Davidson i prakaciŭ na im svajho małodšaha syna Mikałaja.

Kamientary da artykuła