Łukašenka: chleb jość, i jaho abaviazkova treba ŭbrać
Alaksandr Łukašenka ŭ chodzie rabočaj pajezdki ŭ Mahiloŭskuju vobłaść zapatrabavaŭ na vysokim jakasnym uzroŭni i ŭ nieabchodnyja terminy pravieści ŭboračnuju kampaniju ŭ krainie.
«Jakaść — heta pytańnie numar adzin. Nijakaj śpieški być nie pavinna, techniki chapaje. Pry narmalnaj arhanizacyi chleb ubrać možna, — skazaŭ kiraŭnik dziaržavy. — Chleb jość, i jaho abaviazkova treba ŭbrać. U arsienale dla hetaha ŭ nas jość usio».
Jon cikaviŭsia ŭsimi aśpiektami chodu ŭboračnaj kampanii ŭ krainie: stanam pasievaŭ roznych kultur, sielhastechniki, tempami ŭborki. Jak prainfarmavaŭ jaho kiraŭnik Mahiloŭskaj vobłaści Piotr Rudnik, płošča ŭborki zbožžavych i zierniebabovych kultur u rehijonie składaje 335,2 tys.ha. Na siońnia zbožžavyja ŭbrany na płoščy 74,5 tys.ha, što składaje bolš za 22 pracenty. Vałavy zbor pieravysiŭ 255 tys.t pry siaredniaj uradžajnaści 34,2 c/ha. Pavodle słoŭ hubiernatara, vynikovy vałavy zbor čakajecca na ŭzroŭni 1 młn. 350 tys.t pry siaredniaj uradžajnaści 40 c/ha. Rost apošniaha pakazčyka čakajecca ŭ suviazi z tym, što ciapier najbolš aktyŭna ŭborka viadziecca ŭ rajonach, dzie tradycyjna bolš nizkaja ŭradžajnaść. U dalejšym ahraryi vobłaści płanujuć prybavić za košt rajonaŭ z bolš vysokaj uradžajnaściu. Pry hetym jakaść sioletniaha ŭradžaju, pavodle acenak vučonych, značna vyšejšaja, čym minułyja hady. U suviazi z hetym Alaksandr Łukašenka daručyŭ prem'
Asobna Łukašenka zakranuŭ pytańnie budaŭnictva sielhasabjektaŭ, zrabiŭšy akcent na nieabchodnaści ekanomnaha raschodavańnia srodkaŭ na hetyja mety biez skaračeńnia abjomaŭ budaŭnictva.
«Budoŭlu spyniać nielha, fiermy treba budavać, i nie tolki małočnatavarnyja»,— adznačyŭ jon.