«Homiel» prajhraŭ «Bursasporu» — 1:3

Futbolny kłub «Homiel» zaviaršyŭ vystupleńnie ŭ Lizie Jeŭropy.

4 žniŭnia na svaim poli «Homiel» u matčy ŭ adkaz 3-ha kvalifikacyjnaha raŭnda prajhraŭ tureckamu «Bursasporu» ź likam 1:3 (Aleksijevič, 41 — N'Dzijaj, 78, Insua, 85, Turhaj Bachadyr, 91+). U pieršym matčy ŭ Bursie turki pieramahli ź likam 2:1.

U hetym rozyhryšy Lihi Jeŭropy, aprača «Homiela», Biełaruś pradstaŭlali FK «Minsk» i salihorski «Šachcior». Abodva hetyja kłuby vybyli paśla 2-ha kvalifikacyjnaha raŭnda. «Minsk» pa sumie dvuch matčaŭ sastupiŭ tureckamu «Hazijantepsporu» (1:1 i 1:4), a «Šachcior» prajhraŭ abodva matčy łatvijskamu «Vientśpiłsu» (0:1 i 2:3). Zaznačym taksama, što «Minsk» u pieršym raŭndzie prajšoŭ azierbajdžanski «Alimpik» .

***

Takim čynam u jeŭrakubkach ad Biełarusi zastaŭsia adzin pradstaŭnik — barysaŭski BATE. U piatnicu vyznačycca jaho supiernik u plej-of Lihi čempijonaŭ. Heta budzie adna ź piaci nastupnych kamandaŭ: «Visła» Krakaŭ (Polšča), «Hienk» (Bielhija), «Viktoryja» Plzień (Čechija), «Malmio» (Šviecyja), «Šturm» Hrac (Aŭstryja).

Losavańnie projdzie ŭ piatnicu, a 13-j. Pieramožca atrymaje pucioŭku ŭ hrupavy turnir Lihi čempijonaŭ, kamanda, što prajhraje, vystupić u hrupavym turniry Lihi Jeŭropy.

Hulni plej-of projduć 16–17 i 23–24 žniŭnia.

Kamientary da artykuła