Sud nad «Narodnaj Volaj». Štraf — 14 miljonaŭ rubloŭ
abnoŭlena
Hazieta atrymała takoje samaje pakarańnie, što i «Naša Niva».
Redakcyja nie źbirajecca abskardžvać prysud.
Redakcyja «Narodnaj Voli» musić vypłacić dziaržavie 14 miljonaŭ rubloŭ — tak pastanaviŭ haspadarčy sud Minska.
Advakat Hary Pahaniajła prakamientavaŭ siońniašni praces: «Taki samy štraf, jak i ŭ „Našaj Nivy“. Taksama zamiest 500 minimalnych zarobkaŭ — 400. Sensu abskardžvać prysud ja nie baču: heta čystaja farmalnaść. Viarchoŭny sud prosta pierahledzić spravu i nie stanie ničoha mianiać. Nahody dla štrafu taksama farmalnyja, tamu my možam śćviardžać, što suprać nas dziaržava ŭviała ekanamičnyja sankcyi. Jak bačym, niezaležnyja vydańni papaŭniajuć biudžet na 14 miljonaŭ kožnaja».
Nahadajem, što suprać haziety «Narodnaja Vola» była raspačataja administratyŭnaja sprava za šmatrazovyja parušeńni zakanadaŭstva ciaham hoda. Pad parušeńniami majucca na ŭvazie papiaredžańni, jakija atrymlivała hazieta.
Jak i ŭ vypadku z «Našaj Nivaj» paviedamleńnie pra pačatak administratyŭnaj spravy pryjšło napiaredadni suda ab zakryćci vydańnia.