Byłaja namieśnica Jakuboviča dabivajecca praz sud vizy ŭ ES
Biurakratyja ES ciapier patrabuje ad kiraŭnikoŭ dypmisij jeŭrapiejskich krain u Minsku kankretnych dokazaŭ viny pakryŭdžanaj žurnalistki.
Jak paviedamiła krynica ŭ dypłamatyčnych kołach, biełaruskija čynoŭniki i biźniesmieny, jakija siońnia trapili pad sankcyi Jeŭraźviaza, sprabujuć pravieści apieracyju, meta jakoj — vyklučeńnie ich z «čornaha śpisu» JEZ.
«Probnym šaram» u sprobie znajści ščylinu ŭ biurakratyčnych pracedurach Jeŭraźviaza stała byłaja namieśnica hałoŭnaha redaktara haziety «Sovietskaja Biełoruśsija» Hanna Šadryna, jakaja sprabuje praz sud damahčysia vyklučeńnia svajho proźvišča z «čornaha śpisu» JEZ.
Farmalna, jana zvolniłasia z «rupara» administracyi Łukašenki napiaredadni prezidenckich vybaraŭ i ličyć siabie niedatyčnaj da falsifikacyj i represij u dačynieńni da hramadzianskaj supolnaści Biełarusi.
Biurakratyja ES, jak i naležyć u pravavoj dziaržavie, ciapier patrabuje ad kiraŭnikoŭ dypmisij jeŭrapiejskich krain u Minsku kankretnych dokazaŭ viny pakryŭdžanaj žurnalistki.
«Dakład nami byŭ padrychtavany. U im havaryłasia, što Šadryna tak i nie vybačyłasia za svaje artykuły ŭ „Sovietskoj Biełoruśsii“, datyčnyja kandydataŭ u prezidenty ad apazicyi i demakratyčnych aktyvistaŭ. I kali napisanych joju asabista artykułaŭ było nie tak šmat, tym nie mienš, jana źjaŭlałasia redaktarkaj inšych paklopnickich materyjałaŭ na adras apazicyi na staronkach „Sovietskoj Biełoruśsii“ — drukavanaha orhana administracyi Łukašenki.
Z Brusiela pryjšoŭ adkaz, što ŭ dakładzie niedastatkova „dokazaŭ viny“ Šadrynoj i nam było daručana napisać dakład iznoŭ. Na siońnia padrychtavana ŭžo try dakłady», — raspaviała krynica.
Darečy, u ES užo byŭ precedent, kali žonku byłoha prezidenta
«Paśla Šadrynoj — nastupny na čarzie Piafcijeŭ, jaki ŭžo pahražaŭ padać u sud. Hetamu finansistu Łukašenki vielmi pieraškadžajuć sankcyi Jeŭrasajuza. Siońnia hety čałaviek niasie straty, ŭskładnienyja