Kadafi hatovy vieści pieramovy, paŭstancy ž čakajuć jahonaj zdačy ŭ pałon
Pa źviestkach apazicyjanieraŭ, u zakładnikach u kadafijcaŭ mohuć znachodzicca 50 tysiač čałaviek.
Pa źviestkach apazicyjanieraŭ, u zakładnikach u kadafijcach mohuć znachodzicca 50 tysiač čałaviek.
Pra rašeńnie Kadafi vieści pieramovy ab pieradačy ŭłady zajaviŭ jahony-pres-sakratar Musa Ibrahim. Jon raspavioŭ ahienctvu Associated Press, što pieramovami budzie kiravać syn pałkoŭnika Kadafi Saadzi. U svaju čarhu pradstaŭniki Nacyjanalnaj pierachodnaj rady zajavili ahienctvu Reuters, što nie buduć vieści pieramovy da zdačy Kadafi ŭ pałon. Jany paviedamili taksama, što pakul nie viedajuć pra jaho miescaznachodžańnie.
Paŭstancy kantralujuć bolšuju častku krainy, u tym liku i stalicu Trypali. Kadafi, mahčyma, chavajecca ŭ svaim rodnym horadzie Sirt.
Kiraŭnictva armii paŭstancaŭ zajaŭlaje, što ŭ zakładnikach u kadafijcaŭ mohuć znachodzicca da 50 tysiač čałaviek. Pa ich źviestkach, usiaho ŭ zakładniki zachoplena kala 60 tysiač čałaviek. Ź ich tolki 11 tysiačam udałosia vyzvalicca.
Ad ruk režyma Kadafi zahinuli dziasiatki palityčnych praciŭnikaŭ u Livii. Taksama jaho achviarami stali sotni ludziej u vyniku teraktaŭ i partyzanskich ruchaŭ, jakija jon finansavaŭ u inšych krainach. Siońnia Liha arabskich dziaržavaŭ pryznała novuju ŭładu krainy. Pierad siadzibaj arhanizacyi ŭźniaty ściah paŭstancaŭ, jaki źmianiŭ zialonaje pałotnišča Kadafi.