Łukašenka prapanoŭvaje apazicyi, ES i Rasii kruhły stoł
dapoŭniena. Milinkievič: Vyzvalcie palitviaźniaŭ, tady mahčymy razmovy
«Naša siła ŭ adzinstvie, i budučyniu Biełarusi treba vyrašać nie na płoščach i barykadach, a šlacham dyjałohu, narmalnaj čałaviečaj razmovy», — zajaviŭ jon na piedahahičnaj naradzie ŭ Minsku.
Pra heta jon zajaviŭ na piedahahičnaj naradzie ŭ Minsku 29 žniŭnia.
«Naša siła ŭ adzinstvie, i budučyniu Biełarusi treba vyrašać nie na płoščach i barykadach, a šlacham dyjałohu, narmalnaj čałaviečaj razmovy», — skazaŭ jon.
«Ja jak kiraŭnik dziaržavy prapanuju ŭsim ludziam zdarovaha sensu i tym, chto lubić svaju krainu, ludziej, da jakoha b palityčnaha łahieru jany nie naležali, siadać za stoł (kruhły, kvadratny), pahladzieć adzin adnamu ŭ vočy i realna acanić,
chto čaho varty i što mohuć zrabić dla efiektyŭnaha palapšeńnia situacyi ŭ krainie, a nie tupać i kryčać na płoščach,— prapanavaŭ Alaksandr Łukašenka. — Chočacie vajavać i zmahacca — kali łaska: zmahajciesia ŭ adkrytaj dyskusii, dakazvajcie svaju racyju, adstojvajcie svaju kropku hledžańnia. Ale nie praz pahromy i nie sa zbrojaj u rukach. Padobnyja dziejańni buduć spyniacca nieadkładna, jak heta było niadaŭna ŭ apora demakratyi».
«Ja prapanavaŭ i Jeŭrapiejskamu sajuzu, chacieŭ by prapanavać i Rasiei, inšym jeŭrapiejskim i mižnarodnym strukturam nakiravać svaich pradstaŭnikoŭ dla ŭdziełu ŭ hetym kruhłym stale. Niachaj jany zaadno pahladziać, chto ŭ nas čaho varty, jakija idei vyłučaje i jakija mety pierad saboj stavić.
My absalutna adkrytyja i hatovyja dać im takuju mahčymaść", — zajaviŭ Łukašenka.
Jon taksama padkreśliŭ, što šlach praz sankcyi i cisk na Biełaruś bieśpierśpiektyŭny.
«Davajcie razmaŭlać, davajcie vieści dyjałoh, i my abaviazkova pryjdziem da niejkaha razumieńnia», — dadaŭ Alaksandr Łukašenka.
* * *
Lidar Ruchu «Za Svabodu» Alaksandr Milinkievič prakamientavaŭ słovy Alaksandra Łukašenka ab sklikańni kruhłaha stała z apazicyjaj, Jeŭrasajuzam i Rasijaj.
«Ja byŭ i zastajusia prychilnikam pieramienaŭ, ale nie lubym koštam. Pakul u viaźnicy znachodziacca apanienty ŭłady, to nielha sadzicca ni za jakija stały. Niachaj jany prademanstrujuć pavahu da ludziej ź inšymi pohladami, adpuściŭšy ich. Pieršy krok za ŭładami.
Dumaju, što ciapier dziejańni ŭładaŭ usio bolš dyktujucca ekanomikaj. Mienavita ekanomika ich hałoŭny vorah. Takim pieramovami ŭłady sprabujuć niejak załahodzić adnosiny ź Jeŭrasajuzam, bo razumiejuć, što bieź ichniaj dapamohi nie mohuć adbycca strukturnyja reformy.
Kali b kruhły stoł nie zaprasili Rasiju, to heta byŭ by vielmi mocny ŭdar pa jaje imidžy. U vypadku pieramovaŭ treba padymać temy viartańnia da demakratyčnaj formy kiravańnia, svabody presy, spynieńnia represij, a taksama ab naśpiełych reformach u roznych halinach. U nas ich strašenna mnoha».