Ładućka: Ad paniadziełka prajezd dla minskich studentaŭ dzionnaj formy navučańnia — biaspłatny
Hetaja norma budzie raspaŭsiudžvacca na studentaŭ tolki dzionnaj formy navučańnia.
Ab hetym staršynia Minharvykankama Mikałaj Ładućka paviedamiŭ u efiry prahramy «Karcina śvietu» na«RTR-Biełaruś» 10 vieraśnia.
«Ja chacieŭ by siońnia, 10 vieraśnia, u Dzień horada, prainfarmavać žycharoŭ Minska, i ŭ pieršuju čarhu maładuju častku našaha horada. Prezident krainy, udzielničajučy ŭ mierapryjemstvach pa adkryćci Centralnaha aŭtavakzała, pa adkryćci haradskich linij, zadaŭ pytańnie, jak spravy ź biaspłatnym prajezdam školnikaŭ pa Minsku. Na IV Usiebiełaruskim schodzie było pryniata rašeńnie, kab minskija školniki (kala 140 tysiač čałaviek) jeździli biaspłatna. Ja prainfarmavaŭ ab tym, što hetaje rašeńnie dziejničaje. Siońnia školniki horada pieramiaščajucca ŭ hramadskim transparcie biaspłatna», — raskazaŭ Ładućka.
Pavodle jaho słoŭ, Łukašenka daŭ daručeńnie raspaŭsiudzić i na studentaŭ hetuju normu. «Ja mahu siońnia ŭpeŭniena skazać — my vyvučyli ŭ piatnicu hetaje pytańnie, zrabili adpaviednyja raźliki. Z paniadziełka studenty horada Minska mohuć pieramiaščacca pa Minsku dastatkova svabodna pa sistemie hramadskaha transpartu», — skazaŭ Ładućka.
Jak adznačyŭ staršynia Minharvykankama, hetaja norma budzie raspaŭsiudžvacca na studentaŭ tolki dzionnaj formy navučańnia «pa studenckich paśviedčańniach». «Miechanizm arhanizacyi, dapuścim, mietro, budzie adpracavany za niekalki dzion», — padkreśliŭ jon.
Jak paviedamili na dziaržaŭnym pradpryjemstvie «Minsktrans», aficyjnaha rašeńnia ab biaspłatnym prajeździe studentaŭ nie pryniata. «My čakajem hety dakumient u najbližejšy čas», — skazali śpiecyjalisty. Ab tym, što rašeńnie pa hetym pytańni pakul nie pryniata, paviedamili i ŭ