Kalininhradcy pierastajuć pačuvacca rasiejcami
Kala 60% žycharoŭ Kalininhradzkaj vobłaści nikoli nie byli ŭ inšych rasiejskich rehijonach, adnak rehularna vyjaždžajuć u pamiežnyja vobłaści Eŭrapiejskaha źviazu.
Hubernatar Kalininhradzkaj vobłaści Hieorhij Baos papiaredziŭ rasiejskaha premjer‑ministra Fradkova pra toje, što ŭ žycharoŭ Karalavieččyny pačaŭ farmavacca mentalitet adarvanaści ad Rasiei. «Padśviadoma kalininhradcy adździalajuć siabie ad inšych rehijonaŭ Rasiejskaj Federacyi, — kanstatavaŭ jon. — Čaściakom možna pačuć frazu «ja viadu biznes z Rasiejaj», jak byccam Rasieja jość inšaj krainaj. Hetuju tendencyju nieabchodna pierałamić».
Kala 60% žycharoŭ Kalininhradzkaj vobłaści nikoli nie byli ŭ inšych rasiejskich rehijonach, adnak rehularna vyjaždžajuć u pamiežnyja vobłaści Eŭrapiejskaha źviazu. «U nas vysokaja zabiaśpiečanaść nasielnictva aŭtatranspartam: usiaho hadzina jazdy i ty ŭžo za miažoj», — akreśliŭ sytuacyju hubernatar.
Baos miarkuje, što treba prymać miery, kab zaachvocić kalininhradcaŭ čaściej byvać na «materykovaj Rasiei». Jon ličyć, što z hetaj metaj možna vykarysoŭvać prahramu «My — rasiejcy». Hetaja prahrama realizujecca pa daručeńni prezydenta Rasiei i praduhledžvaje naviedvańnie padletkami Maskvy, Sankt‑Pieciarburhu, haradoŭ «Załatoha kalca» Rasiei.
Pavodle infarmacyi Strana.Ru