Pradstaŭniki ES majuć namier nazirać za siońniašniaj akcyjaj maŭklivaha pratestu

Pradstaŭniki ES buduć nazirać za siońniašniaj akcyjaj maŭklivaha pratestu i dziejańniami biełaruskich uładaŭ, zajaviła kiraŭnik pradstaŭnictva Jeŭrakamisii ŭ Biełarusi Majra Mora 21 vieraśnia na svajoj pieršaj pres-kanfierencyi ŭ Minsku.

Napiaredadni Mora ŭručyła davierčyja hramaty Alaksandru Łukašenku.

«My nazirajem za tym, što adbyvajecca ŭ Biełarusi i što adbyvajecca ź jaje hramadzianami. Siońniašniaja akcyja i dziejańni ŭładaŭ buduć pakazalnymi», — skazała jana.

Siońnia z 19.00 da 20.00 paśla dvuchmiesiačnaha pierapynku ŭ Biełarusi pavinna prajści čarhovaja akcyja maŭklivaha pratestu, inicyjavanaja internet-supolnaściu «Revalucyja praz sacyjalnyja sietki» (RPSS).

Padobnyja akcyi pravodzilisia ŭ krainie z 8 červienia pa 27 lipienia štotydniova pa sieradach u znak pratestu suprać palityki ŭładaŭ. Pieršyja akcyi byli šmatludnyja, zatym aktyŭnaść udzielnikaŭ pajšła na spad. Hetamu šmat u čym sadziejničali žorstkija dziejańni ŭładaŭ: razhony i zatrymańni nie tolki ŭdzielnikaŭ akcyj, ale i vypadkovych prachožych, štrafy i doŭhija administracyjnyja aryšty najbolš aktyŭnych hramadzian.

Jeŭrasajuz nieadnarazova vystupaŭ z asudžeńniem dziejańniaŭ uładaŭ adnosna ŭdzielnikaŭ mirnych akcyj pratestu.

Kamientary da artykuła