Humovaja śvińnia nad łondanskaj elektrastancyjaj

U paniadziełak pačałosia pieravydańnie albomaŭ Pink Floyd.

U paniadziełak startavała sieryja pieravydańniaŭ katałoha lehiendarnaha hurta Pink Floyd. Ad siońnia ŭ jeŭrapiejskich kramach možna budzie nabyć boks-set Discovery z čatyrnaccaci numarnych studyjnych albomaŭ. Taksama siońnia źjavicca i pašyranaje vydańnie kłasičnaha alboma The Dark Side of The Moon, pryčym adrazu ŭ dvuch varyjantach: na dvuch kampakt-dyskach (albom + bonus-materyjały) i na šaści (u tym liku z kancertnaj viersijaj alboma).

U paniadziełak u Łondanie u realnych umovach adnoŭlena vokładka alboma Animals, na jakoj nad elektrastancyjaj Betersi pralataje ružovaja humovaja śvińnia. Darečy, śvińnia adpačataku musiła być toj samaj lehiendarnaj śvińnioj z 70-ch, adnak jejny stan byŭ pryznany niezdavalniajučym dla palotaŭ.

Adnačasova ŭ ZŠA na šoŭ Džymi Fełana startuje tydzień tryb'jut-kancertaŭ Pink Floyd, dzie siarod inšych vystupić adzin ź lidaraŭ hurta Rodžer Uoters.

Pakolki ŭsie albomy źjaviacca ŭ remastyravanych viersijach, to varta čakać sprečak pra jakaść adnaŭleńnia materyjału (nažal, bolšaść «remasteraŭ» stračvaje naturalnaje hučańnie aryhinalnaha alboma). Tym nie mienš, pieravydańni rok-kłasiki źjaŭlajucca ledźvie nie samym vyhadnym mierapryjemstvam dla rekard-łejbłaŭ: pieravydańnieBeatles dazvoliła kampanii EMI"vyjści ŭ plus» padčas suśvietnaha finansavaha kryzisu.

Kamientary da artykuła