Kiepskaje lidarstva: U studzieni—žniŭni 2011 hoda ceny ŭ Biełarusi raśli ŭ 6—179 razoŭ chutčej, čym u inšych krainach SSSR
Biełaruś zaniała pieršaje miesca siarod krain byłoha SSSR pa roście spažyvieckich cen za pieršyja vosiem miesiacaŭ hetaha hoda (žnivień da śniežnia — 53,6%). Pry hetym rost cen akazaŭsia vyšejšy, čym u inšych dziaržavach byłoha Savieckaha Sajuza, ad 6 razoŭ (Tadžykistan) da 179 (Hruzija), śviedčyć praviedzieny BiełaPAN analiz źviestak nacyjanalnych orhanaŭ statystyki.
Za Biełaruśsiu raźmiaścilisia Tadžykistan (8,5%), Kazachstan (5,9%), Kyrhyzstan (5,6%), Małdova (4,8%), Rasija (4,7%), Ukraina (4,1%), Łatvija (3,4%), Estonija (3%), Litva (2,6%), Azierbajdžan (2,3%) i Hruzija (0,3%). U Armienii ceny źnizilisia na 0,2%. Niama źviestak pa Turkmienistanie (rost cen za pieršaje paŭhodździe 0,6%) i Uźbiekistanie (3,6%).
Pa pavieličeńni cen u žniŭni (8,9%) Biełaruś taksama apynułasia na pieršaj pazicyi. U Hruzii ceny pavysilisia na 1,1%, u Tadžykistanie — na 0,8%, Azierbajdžanie — na 0,6%, Kazachstanie i Estonii — na 0,3%. Deflacyja adznačana ŭ Małdovie (na 0,1%), Rasii (0,2%), Łatvii (0,3%), Litvie, Ukrainie (pa 0,4%), Armienii (0,6%) i Kyrhyzstanie (1,2%).
U 2010 hodzie Biełaruś zaniała treciaje miesca siarod krain byłoha SSSR pa roście spažyvieckich cen (9,9%; prahnoz — 8–10%). Sioleta rost cen nie pavinien byŭ pieravysić 7,5–8,5% zhodna z Asnoŭnymi kirunkami