Sprava Bialackaha pieradadziena ŭ sud Pieršamajskaha rajona

Pravaabaronca zastajecca pad vartaj.

Spravu ŭ dačynieńni da Alesia Bialackaha budzie razhladać sud Pieršamajskaha rajona stalicy, paviedamiŭ staršy pamočnik prakurora Minska Siarhiej Bałašaŭ.

Kryminalnaja sprava była nakiravanaja ŭ sud 4 kastryčnika.

Miera strymańnia ŭ dačynieńni da Bialackaha nie źmianiałasia, jon zastajecca pad vartaj.

Viadomy biełaruski pravaabaronca, vice-prezident Mižnarodnaj fiederacyi pravoŭ čałavieka Aleś Bialacki znachodzicca pad aryštam z 4 žniŭnia. Jamu pradjaŭlena abvinavačańnie pa častcy 2 artykuła 243 Kryminalnaha kodeksa (utojvańnie dachodaŭ u asabliva bujnym pamiery).

***

Jak paviedamlałasia raniej, padstavaj dla kryminalnaha pieraśledu pravaabaroncy stała infarmacyja pra jaho rachunki ŭ zamiežnych bankach, pieradadzienaja biełaruskim uładam Miniustam Litvy i Hienprakuraturaj Polščy. Ułady hetych krain publična prynieśli prabačeńni Bialackamu i jaho rodnym, a taksama prypyniła kantakty ź Biełaruśsiu ŭ ramkach dahavoraŭ ab pravavoj dapamozie.

Vyzvaleńnia Bialackaha patrabujuć mižnarodnyja pravaabarončyja struktury, kiraŭnictva Jeŭrasajuza, ZŠA i šerahu inšych demakratyčnych krain.

Kamientary da artykuła