U Minsku pačynajuć uklučać aciapleńnie
Pačnuć z sadkoŭ, škołaŭ, balnicaŭ. Chutka sprava dojdzie i da kvateraŭ.
aif.by
Minharvykankam pryniaŭ rašeńnie dazvolić z 11 kastryčnika ŭklučeńnie aciapleńnia ŭ dziciačych sadach, školnych, lačebna-prafiłaktyčnych, miedycynskich ustanovach, ustanovach sacyjalnaha zabieśpiačeńnia, muziejach, dziaržaŭnych archivach.
Takoje rašeńnie pryniata z ulikam niespryjalnaha prahnozu nadvorja.
U adździele enierhietyki Minharvykankama taksama nahadali, što pavodle pravił, kali siaredniaja tempieratura pavietra na praciahu piaci dzion nižejšaja za 10 hradusaŭ, da ciapła padklučajucca spažyŭcy 1-j katehoryi: škoły, dziciačyja sady, balnicy, palikliniki i inšyja sacyjalnyja ŭstanovy.
Spažyŭcam 2-j katehoryi (žyłfond, internaty, haścinicy) ciapło padajecca,
kali siaredniaja tempieratura pavietra na praciahu piaci dzion nie pieravyšaje 8 hradusaŭ. Ciapier žyllovyja słužby horada — u čakańni rašeńnia ab pačatku padačy ciapła.
Pašparty hatoŭnaści da raboty ŭ asieńnie-zimovy pieryjad atrymany na ŭvieś žyły fond, jaki znachodzicca na bałansie ŽREA. Ciapło padajecca ŭ damy paetapna — pa 20% damoŭ u dzień. Praces raściahvajecca prykładna na tydzień, tamu što pastaŭščyki ciapła («Minskkamunciepłasietka» i «Minskija ciepłavyja sietki») nie mohuć adnačasova ŭkinuć u sietku vialiki abjom vady. Paśla ŭklučeńnia ciapła sistemy aciapleńnia adrehulujuć. Na heta spatrebicca jašče prykładna dva tydni.
Čytajcie taksama:
Kamientary da artykuła