Łukašenka ŭznaharodziŭ kiraŭnika bankaŭ «Rajfajzen»
«Vy, napeŭna, samy mužny čałaviek ‑ niahledziačy na vał krytyki Zachadu ŭ adras Biełarusi, nie pabajalisia supracoŭničać z nami ŭ samym adkaznym siektary ‑ finansavym», ‑ skazaŭ prezident.
Respublika Biełaruś zacikaŭlena ŭ pašyreńni supracoŭnictva z bankaŭskaj hrupaj Rajffajzien. Ab hetym zajaviŭ prezident krainy Alaksandr Łukašenka 26 studzienia na cyrymonii ŭručeńnia ordena Družby narodaŭ staršyni praŭleńnia hetaha chołdynhu Hierbiertu Stepiču, paviedamili BIEŁTA u pres‑słužbie biełaruskaha lidera.
Kiraŭnik dziaržavy vykazaŭ padziaku Hierbiertu Stepiču za vysoki ŭzrovień supracoŭnictva i padtrymku, jakuju ŭsie hetyja hady Rajffajzien akazvaje našaj krainie. «Vy, napeŭna, samy mužny čałaviek ‑ niahledziačy na vał krytyki Zachadu ŭ adras Biełarusi, nie pabajalisia supracoŭničać z nami ŭ samym adkaznym siektary ‑ finansavym», ‑ skazaŭ prezident.
«Vy vielmi šmat zrabili i robicie dla Biełarusi i našaj ekanomiki», ‑ padkreśliŭ Alaksandr Łukašenka, źviartajučysia da zamiežnaha hościa.
Jak adznačyŭ kiraŭnik dziaržavy, biełaruskaja ekanomika intensiŭna raźvivajecca, i ciapier isnuje niekalki pierśpiektyŭnych inviestycyjnych prajektaŭ, jakija majuć patrebu ŭ finansavańni. «Heta akupnyja prajekty, i my vielmi zacikaŭleny ŭ finansavaj padtrymcy z vašaha boku», ‑ skazaŭ prezident.
Alaksandr Łukašenka vykazaŭ padziaku Hierbiertu Stepiču za toje, što bankaŭskaja hrupa Rajffajzien «ukłała niamała srodkaŭ, sił i viedaŭ u raźvićcio bankaŭskaj sistemy Biełarusi». Pavodle słoŭ prezidenta, dziakujučy namahańniam hetaha chołdynhu AAT «Priorbank» staŭ samym pieradavym u technałahičnym płanie bankam u krainie.
Uručajučy orden Družby narodaŭ, Alaksandr Łukašenka adznačyŭ, što hetaj uznaharody hramadzianie zamiežnych dziaržaŭ udastojvajucca vyklučna redka. Kiraŭnik dziaržavy vykazaŭ pažadańnie, kab heta była nie apošniaja ŭznaharoda Hierbierta Stepiča na biełaruskaj ziamli.
U svaju čarhu zamiežny hość padkreśliŭ, što dla jaho vialiki honar atrymać orden Družby narodaŭ, i adznačyŭ, što heta ŭznaharoda adrasavana ŭsioj bankaŭskaj hrupie Rajffajzien, jakaja ŭniesła ŭkład u raźvićcio ekanamičnych prajektaŭ u Centralnaj i Uschodniaj Jeŭropie, u tym liku ŭ Biełarusi.
Jak skazaŭ Hierbiert Stepič, bankaŭskaja hrupa Rajffajzien razhladaje biełaruskuju ekanomiku jak «vielmi važnuju z punktu hledžańnia svajho budučaha raźvićcia» i maje namier pašyrać svaju prysutnaść u našaj krainie.
Bankaŭskaja hrupa Rajffajzien stvorana bolš jak sto hadoŭ tamu i na praciahu ŭsioj svajoj historyi demanstruje stabilny rost bieź nivodnaha vypadku bankructva. U jakaści svajho asnoŭnaha rynku razhladaje krainy Centralnaj i Uschodniaj Jeŭropy i SND, pracuje ŭ 16 krainach. Valuta bałansu pieravyšaje $60 młrd., prahnazujemy prybytak za 2006 hod składzie $680 młn. Chołdynhu Rajffajzien prysudžana zvańnie «Bank hoda‑2006» u Centralnaj i Uschodniaj Jeŭropie.