Piać zajavak padadziena na konkurs pa adbory inviestara ŭ Pietrykaŭskaje radovišča kaliju

Siońnia, 21 kastryčnika, na śpiecyjalna sklikanym prezidyumie Saŭmina płanujecca abmierkavać isnyja prapanovy i vypracavać dalejšuju praceduru i časavyja ramki dla vybaru pieramožcy tarhoŭ.

Učora, 20 kastryčnika, skončyŭsia pieršy etap konkursu pa vybary inviestara dla pramysłovaj raspracoŭki Pietrykaŭskaha radovišča kalijnych solaŭ. Konkurs byŭ abvieščany 30 vieraśnia 2011. Za adnosna karotki termin patencyjnyja ŭdzielniki tarhoŭ pavinnyja byli padrychtavać adpaviednyja pakiety dakumientaŭ i padać ich u śpiecyjalnuju kamisiju pry Dziaržaŭnym kamitecie pa majomaści Biełarusi. Pryjom dakumientaŭ, zhodna z umovami konkursu, byŭ zavieršany ŭ 15.00 20 kastryčnika.

U DKI paviedamili «Ježiednievniku», što pradmiet konkursu vyklikaŭ cikavaść u patencyjnych inviestaraŭ — padadziena 5 zajavak. Nazvać udzielnikaŭ, praŭda, admovilisia, spasłaŭšysia na kamiercyjnuju tajamnicu.

Piać udzielnikaŭ, miarkujučy pa tym, što jany ŭziali ŭdzieł u pieršym etapie tarhoŭ, hatovyja całkam vykanać minimum, jaki patrabujecca ad ich pavodle ŭmovaŭ konkursu.

Heta, pa-pieršaje, vypłata ŭ respublikanski biudžet razavaha płaciažu za prava karystańnia nietrami na praciahu hoda z dnia zaklučeńnia inviestycyjnaj damovy. Sumu prapanuje sama kampanija, ale jana nie pavinna być mienšaj za 146,5 młn dalaraŭ.

Pa-druhoje, pieramožca biare na siabie abaviazki ŭvieści ŭ dziejańnie horna-abahačalny kambinat nie paźniej za 31 śniežnia 2021 h., jaho minimalnaja mahutnaść musić skłaści 1,5 młn ton kaliju ŭ hod, maksimalnaja — nie bolš za 3,5 młn ton.

Pa-treciaje, dla realizacyi prajekta stvarajecca akcyjaniernaje tavarystva, u jakim za dziaržavaj reziervujecca (na biazvypłatnaj asnovie) pakiet u pamiery nie mienš za 25% plus 1 akcyja i dola ŭ budučym prybytku (pavodle padobnaj schiemy ŭ svoj čas stvarałasia kampanija, što atrymała pieršuju licenziju na raźvićcio suviazi GSM — «Mabilnaja ličbavaja suviaź»).

Jašče adno važnaje patrabavańnie — heta pakryćcio ŭ respublikanski biudžet vydatkaŭ, raniej paniesienych dziaržavaj na praviadzieńnie hieołaharaźviedačnych rabot u sumie 20,7 młn dalaraŭ.

Za ŭsio heta inviestar u vyniku atrymaje prava karystańnia radoviščam na 50 hadoŭ z mahčymaściu padaŭžeńnia hetaha terminu.

Infarmacyja pa spravie

Pietrykaŭskaje radovišča kalijnych solaŭ raźmieščanaje ŭ Pietrykaŭskim rajonie Homielskaj vobłaści.

Detalova raźviedanyja zapasy radovišča pa pramysłovych katehoryjach (A, V, S1) składajuć: syryja soli (ruda) — 1064 młn ton u ekvivalencie K2O — 236 młn ton.

Akramia taho, papiarednie raźviedanyja zapasy (pa katehoryi S2) składajuć: syryja soli (ruda) — 925 młn ton u ekvivalencie K2O — 179 młn ton.

Kamientary da artykuła