Cieła Kadafi vystaŭlena na ŭsieahulny ahlad u choładakambinacie
Achoŭniki ledź strymlivajuć čarhu achvotnych sfatahrafavacca ź miortvym Kadafi.
Livija śviatkuje śmierć Kadafi. Cieła zabitaha pałkoŭnika vystaŭlena na ŭsieahulny ahlad u choładakambinacie, što mieścicca ŭ centry handlovaha rajona Misraty. Natoŭp achvotnych sfatahrafavacca ź miortvym Kadafi taki vialiki, što achova nie spraŭlajecca ź ludźmi. Dla livijcaŭ ustanoŭleny hadziny naviedvańnia «mahiły» pałkoŭnika: dla adzinokich mužčyn asobna, dla siamiejnych ludziej ź dziećmi — asobna.
Natoŭp ludziej, jakija prahnuć pradracca da cieła pałkoŭnika, skanduje: «My chočam ubačyć sabaku».
Amal hetaksama dzień tamu paŭstancy pastupili ź ciełam zabitaha syna Kadafi, Mutasima. Jaho vystavili na ŭsieahulny ahlad u adnym z pryvatnych damoŭ u Misracie.