U Barysavie apahanili łukašenkaŭskija ściahi. Padazrajuć byłoha palitviaźnia
Alaksandra Małčanava i jaho siabra abvinavačvajuć u abrazie dziaržaŭnych simvałaŭ pavodle artykuła 370 Kryminalnaha kodeksa RB.
Fota Julii Daraškievič.
Pad pieraśled milicyi maładyja ludzi patrapili paśla taho, jak 26 kastryčnika ŭ centry Barysava byli zalityja farbaj dziaržaŭnyja ściahi.
U noč na 27 kastryčnika ŭ domie Alaksandra Małčanava adbyŭsia pieratrus, padčas jakoha supracoŭniki milicyi šukali nacyjanalnuju simvoliku i kanfiskavali kampjutar. Alaksandr byŭ zatrymany. Choć milicyja nie znajšła nijakich farmalnych dokazaŭ, Alaksandra ŭsio ž niejtralizavali. 27 kastryčnika sud Barysaŭskaha rajona asudziŭ jaho pa artykule 23.4 KoAP RB, pakaraŭšy administratyŭnym aryštam na 10 sutak. U viečary hetaha dnia z sankcyi prakurora ŭ jaho domie byŭ praviedzieny druhi pieratrus.
Dva pieratrusy 27 kastryčnika adbylisia i na kvatery ŭ Andreja Nikałajeŭskaha. Milicyjanty pravodzili ź im hutarku.
Abvinavačańnie pa artykule 370 Kryminalnaha kodeksa RB moža paciahnuć za saboj pakarańnie ŭ vyhladzie hramadskich rabotaŭ, ci štrafu, ci papraŭčych rabotaŭ terminam da dvuch hadoŭ, ci aryštu terminam da troch miesiacaŭ, ci abmiežavańniem voli terminam da hoda.