Nina Bahinskaja patrabuje, kab milicyjaniery viarnuli joj skradzieny značok
Žančyna źviarnułasia da kiraŭnika staličnaj milicyi Alaksandra Barsukova, kab toj adkazaŭ za dziejańni svaich padnačalenych.
2 listapada jana prachodziła asabisty dahlad, kab prajści ŭ sudovuju zału, dzie musiŭ adbycca sud nad Alesiem Bielackim. Supracoŭnica milicyi Ivanova zapatrabavała, kab žančyna addała joj na zachavańnie bieł-čyrvona-bieły značok. Za joj išła dziaŭčyna, jakaja mieła bieł-čyrvona-bieły šalik. Sp.Ivanova zapatrabavała, kab šalik taksama pakinuli ŭ tumbačcy i nie pranosili ŭ sudovuju zału. Naprykancy dnia Nina Bahinskaja paprasiła viarnuć joj značok, a dziaŭčyna — šalik. Ale milicyjaniery adkazali, što nie viedajuć ab čym idzie havorka. Ludzi ŭ cyvilnym, jakija kiravali milicyjanierami, zapatrabavali, kab Bahinskaja i dziaŭčynka syšli, pahražajučy im zatrymańniem.
U svajoj zajavie Nina Bahinskaja paprasiła pravieści pravierku dziejańniaŭ supracoŭnikaŭ milicyi Maskoŭskha rajonu i viarnuć joj jaje rečy. U inšym vypadku jana budzie ličyć, što milicyjaniery paprostu skrali jaje asabistuju reč.
***
Nahadajem, što Nina Bahinskaja -- viadomaja hramadskaja aktyvistka, siabra arhkamiteta pa stvareńni BCHD. 19 vieraśnia 2011 h. była zatrymanaja za toje, što ŭźniała kala Čyrvonaha kaścioła bieł-čyrvona-bieły ściah.