Aśpirantku ŭsio-tki adličyli z VNU
Taćciana Kasataja atrymała adpaviednuju vypisku ŭ zahada rektara.
Aśpirantku Hrodzienskaha dziaržaŭnaha ŭniviersiteta adličyli paśla nieatestacyi jaje za druhi hod navučańnia.
Ciapier dziaŭčyna čakaje kopii pratakołaŭ pasiadžeńniaŭ atestacyjnych kamisij. I paśla źbirajecca pisać ministru adukacyi Biełarusi.
«Treba davieści spravu da kanca. Kali sa mnoj takoje zrabili, nie chaču, kab i inšyja bajalisia».
Taćciana nie spadziajecca, što atrymajecca davučycca ŭ Biełarusi. Tamu nie vyklučaje, što heta moža być aśpirantura ŭ Litvie ci Polščy. Adličeńnie ž nie paŭpłyvała na jaje pracu nad dysiertacyjaj. Jana pa-raniejšamu źbiraje materyjał pa svajoj temie — «Dziejnaść jevanhielskich chryścijan-baptystaŭ u BSSR. 1944-1991 hh.»