Pieratrus u Maksima Hubareviča (Hrodna)
Milicyja pravodzić pieratrus na kvatery hrodzienskaha aktyvista Partyi BNF Maksima Hubareviča. Supracoŭniki MUS pryjšli da jaho paśla 18 hadziny.
Nahadajem, što Maksim Hubarevič, Siaržuk Siemianiuk i Aleś Kalita padazrajucca ŭ źbivańni 13 žniŭnia achoŭnika ofisnaha budynka, u jakim byŭ raźmieščany ofis Partyi BNF.
Chłopcam pahražaje da šaści hadoŭ pazbaŭleńnia voli. Sami jany abvinavačvajuć achoŭnika ŭ pravakacyi i śćviardžajuć, što toj u niećviarozym stanie ŭ niepracoŭny čas pravakavaŭ ich na kanflikt.