BiełTA pra interviju Łukašenki hazecie «Zavtra»
Prezident Biełarusi Alaksandr Łukašenka 1 lutaha daŭ intervju viadomamu piśmienniku, publicystu, hałoŭnamu redaktamu rasijskaj fiederalnaj haziety «Zavtra» Alaksandru Prachanavu.
Alaksandr Prachanaŭ źjaŭlajecca aŭtaram bolš jak 30 apovieściaŭ, ramanaŭ i zbornikaŭ publicystyčnych artykułaŭ. Uznaharodžany ordenami Pracoŭnaha Čyrvonaha Ściaha, «Znak Pašany», Čyrvonaj Zorki, łaŭreat premii Leninskaha kamsamoła, premii imia K. Fiedzina. Viadomy jak aŭtarytetny hramadski dziejač.
U chodzie vielmi ščyraj razmovy zakranalisia pytanni źniešniaj palityki Biełarusi, uzajemaadnosinaŭ z Rasijaj i cen na enierhanośbity, supracoŭnictva ź jeŭrapiejskimi krainami, reakcyi narodaŭ Biełarusi i Rasii na tak zvany naftahazavy kanflikt.
Na pytańnie, jakija pierśpiektyvy dalejšych biełaruska‑rasijskich adnosinaŭ na fonie niadaŭnich padziej, Prezident zaŭvažyŭ, što ŭ ciapierašniaj situacyi «ŭsio zaležyć ad rasijskaha kiraŭnictva». Heta datyčycca i dalejšaha vybudoŭvańnia adnosinaŭ u spravie budaŭnictva Sajuznaj dziaržavy. «U Biełarusi ahieńčyk hety tleje, choć budzie vielmi niaprosta», — acaniŭ Alaksandr Łukašenka pierśpiektyvy ŭ hetym napramku supracoŭnictva.
Pry hetym jon nahadaŭ, što Biełaruś u pytanni sajuznaha budaŭnictva dakładna prytrymlivajecca Dahavora ab stvarenni Sajuznaj dziaržavy Biełarusi i Rasii, dzie vyznačany hałoŭny pryncyp hetaha ŭtvareńnia — raŭnapraŭje bakoŭ.
Alaksandr Łukašenka na kankretnych faktach pakazaŭ niekarektnaść razlikaŭ rasijskaha boku, zhodna ź jakimi biełaruskaja ekanomika byccam by datujecca Rasijaj.
Zakranajučy skačok cen na enierhanośbity dla Biełarusi, Alaksandr Łukašenka skazaŭ: «Heta byli pramyja ŭkazanni prezidenta Rasii. Sprava nie ŭ «Hazpramie», u hetym vypadku nie ŭ im, a ŭ kiraŭnictvie Rasii. Usio pieraviedziena na buchhałteryju. Ale buchhałteryja — heta nie adnabakovy rachunak, heta pavinien być absalutna abjektyŭny rachunak». Pry hetym kiraŭnik dziaržavy ŭ jakasci tolki adnaho prykładu nahadaŭ, što stvareńnie paŭnacennaj abarončaj hrupoŭki vojskaŭ z usioj nieabchodnaj infrastrukturaj na zachodnim napramku abyšłosia b Rasii $21 młrd.
Prezident Biełarusi jašče raz paćvierdziŭ šmatviektarny charaktar źniešniaj palityki krainy, dzie jość miesca supracoŭnictvu nie z adnoj dziaržavaj, a z mnohimi — i na Uschodzie, i na Zachadzie.