Z Mahilova departujuć hramadzianku Polščy
Adździeł pa hramadzianstvie i mihracyi Kastryčnickaha rajona Mahilova pryniaŭ rašeńnie ab departacyi hramadzianki Polščy Mahdaleny Kalinoŭskaj.
Zhodna sa składzienym pratakołam ab pravaparušeńni, pradstaŭnica fondu Institutum Orientalium Mahdalena Kalinoŭskaja pražyvała nie pa tym adrasie, pa jakim była zarehistravanaja. Pry hetym jana nie pradstaviła dakumienty ab źmienie miesca pražyvańnia. Tym samym, na dumku biełaruskich pravaachoŭnych orhanaŭ, hramadzianka Polščy parušyła praviły znachodžańnia zamiežnikaŭ u Respublicy Biełaruś.
Uviečary 11 listapada Kalinoŭskaja była dastaŭlena ŭ adździeł pa hramadzianstvie i mihracyi Kastryčnickaha rajona, dzie ŭ jaje pašpart pastavili štamp ab abaviazku pakinuć Biełaruś da 16 listapada.
Ŭiazdžać na terytoryju krainy jana nie maje prava da 16 listapada 2014 hoda. Akramia taho, na jaje nakładzieny štraf.
"
Ja nijakaja nie złačynca, ja navat nie viedała ab nieabchodnaści pierarehistravacca.Tym bolš jość dva pakarańni - atrymać štraf biez departacyi abo štraf z departacyjaj. Čamu adrazu štraf z departacyjaj?" - pacikaviłasia Kalinoŭskaja.
Na praciahu bližejšych dzion jana maje namier abskardzić rašeńnie ab departacyi ŭ UUS Mahiloŭskaha abłvykankama.
Kalinoŭskaja znachodziłasia ŭ Mahilovie ŭ ramkach realizacyi prajekta fondu Institutum Orientalium "Pradprymalnictva pa-biełarusku". Hety prajekt praduhledžvaje navučańnie ŭ Polščy 60 maładych biełaruskich pradprymalnikaŭarhanizacyi spravy ŭ śfiery turyzmu, transpartu i sielskaj haspadarki.