Rada Jeŭropy ŭstryvožana źniknieńniem Sańnikava
Dakładčyk pa Biełarusi vystupiŭ z zajavaj.
Rada Jeŭropy vykazała ŭ sieradu zaniepakojenaść losam adnaho ź lidaraŭ biełaruskaj apazicyi Andreja Sańnikava, asudžanaha da piaci hadoŭ pazbaŭleńnia voli.
Dakładčyk pa Biełarusi Parłamienckaj asamblei Rady Jeŭropy (PARIE), estonski deputat Andres Chierkiel zajaviŭ 16 listapada, što były kandydat u prezidenty Biełarusi biasśledna źnik z turmy. Sa słovaŭ Chierkiela, ni siamji Sańnikava, ni jaho advakatam nie paviedamlajecca, kudy i pry jakich abstavinach jon źnik.
Chierkiel padkreśliŭ, što jon «hłyboka zakłapočany» tym, što zdaryłasia ź biełaruskim apazicyjanieram, tym bolš, što jon rehularna atrymlivaje paviedamleńni ab katavańniach i žorstkim abychodžańni ŭ turmach Biełarusi. Ad imia PARIE jon zaklikaŭ urad u Miensku nieadkładna dać svajakam i advakatam Sańnikava źviestki ab jaho znachodžańni. Jany pavinny taksama atrymać mahčymaść naviedać aryštavanaha, adznačyŭ parłamientaryj.