Samy darahi čaj u śviecie — ź fiekalijaŭ pandy
Niepaŭtorny vodar i smak arecha.
Kitajski bijołah źbirajecca vyrablać samuju darahuju harbatu ŭ śviecie na asnovie fiekalijaŭ pandy.Jon upeŭnieny, što bahatyja karysnymi rečyvami ekskremienty pandy dapamohuć jamu stvaryć niepaŭtorny vodar całkam novaha typu harbaty, jakuju jon zmoža pradavać pa 50 tysiač funtaŭ sterlinhaŭ za kiłahram.
Śpiecyjalist pa dzikaj pryrodzie pa proźviščy Janšy, jaki pracuje vykładčykam kaledža, užo sabraŭ kala piaci ton fiekalijaŭ hihanckich pandaŭ u centry hadoŭli hetych žyvioł u Čendu, pravincyja Syčuań na poŭdni krainy.
«U pandaŭ vielmi biednaja stravavalnaja sistema, i pieratraŭlivajuć jany tolki kala 30% z usiaho, što jaduć. Heta aznačaje, što ich ekskremienty bahatyja karysnymi vałoknami i pažyŭnymi rečyvami», — kaža navukoviec.
Pavodle jaho słovaŭ, u harbaty, jakuju jon źbirajecca vyrablać, budzie smak śpiełaha arecha i vielmi charakterny vodar padčas zavarvańnia.
Jak tolki sumieś budzie hatovaja da prodažu, kitajec źbirajecca trapić u Knihu rekordaŭ Hinesa. Kali ŭ jaho ŭsio atrymajecca, vynajdzieny im napoj stanie samaj darahoj harbataj u śviecie.