U Konha zahinuŭ biełaruski piłot

Achviaraj krušeńnia viertalota ŭ Konha staŭ hramadzianin Biełarusi, pieradaje ŭ sieradu ahienctva Asašyejted Pres sa spasyłkaj na miascovyja ŭłady.

Vajenny viertalot typu Mi-8 raźbiŭsia ŭčora pry pasadcy ŭ miastečku Bandoda, za 800 kiłamietraŭ na poŭnač ad stalicy krainy — Brazavila. Miascovyja ŚMI paviedamili, što ŭ vyniku padzieńnia viertalota zahinuŭ piłot z Rasii, try čałavieki ekipaža atrymali lohkija ranieńni.

Adnak, jak paviedamili ŭ sieradu pradstaŭniki vajennaha kamandavańnia Konha, piłotam byŭ biełarus pa imieni Alaksandr Kosyraŭ.

Imaviernaj pryčynaj padzieńnia viertalota, jaki, jak paviedamlałasia raniej, pavinien byŭ zabrać aŭstralijskich hieołahaŭ z kampanii Congo Mining, stali niespryjalnyja ŭmovy nadvorja.

Kamientary da artykuła