Kijeŭ uvajšoŭ u rejtynh najlepšych haradoŭ u Jeŭropie dla šopinhu

Kijeŭ uvajšoŭ u rejtynh lepšych haradoŭ u Jeŭropie dla šopinh-turyzmu pavodle viersii Economist Intelligence Unit, paviedamlajuć nacyjanalnyja infarmahienctvy.

Choć ukrainskaja stalica i zaniała tolki 27-je miesca z 33 uklučanych u rejtynh jeŭrapiejskich haradoŭ, adnak zmahła abyści takija miehapolisy, jak Varšava (28-je miesca) i Sankt-Pieciarburh (29-je). Značna vyjści napierad udałosia Maskvie: horad zaniaŭ 19-ju pazicyju.

Na pieršym miescy ŭ rejtynhu raźmiaściŭsia Łondan, na druhim — Madryd, na trecim — Barsiełona.

Kampanija aceńvała pryvabnaść haradoŭ dla šopinh-turyzmu pa niekalkich katehoryjach, uklučajučy kolkaść mahazinaŭ i bujnych handlovych centraŭ, kurs nacyjanalnaj valuty adnosna suśvietnych, čas raboty mahazinaŭ, pradastaŭleńnie skidak i h.d.

Kijeŭskija mahaziny, pavodle danych EIU, pracujuć daŭžej i čaściej, čym u inšych haradach, prapanujuć skidki. Ale navat ź ich ulikam ceny ŭ staličnych mahazinach vyšejšyja, čym u mnohich jeŭrapiejskich, adznačajuć retejlery.

U cełym śfiera handlu va Ukrainie raźvivajecca davoli niadrenna. U studzieni-žniŭni 2011 hoda roźničny tavaraabarot pradpryjemstvaŭ roźničnaha handlu i restarannaj haspadarki Ukrainy vyras u supastaŭnych cenach na 14,8% u paraŭnańni z anałahičnym pieryjadam 2010 hoda.

Kamientary da artykuła