La čužych bierahoŭ: vyjšaŭ novy numar almanacha biełarusaŭ zamiežža

22.11.2011 / 14:01

Jon vydajecca ad 2007 hoda.

Almanach-štohadovik vydaje ad žniŭnia 2007 h. ńju-jorski hramadski dziejač Marat Kłakocki, jaki ad 2002 h. da 2010 h. redahavaŭ hałoŭnuju hazietu suajčyńnikaŭ zamiežža — «Biełarus». Zaraz vyjšaŭ piaty numar.

U śviežym numary drukujucca vieršy Lavona Baravoha (ZŠA), Źmitra Davydzienki (Rasija), Iny Snarskaj (Ukraina), Sieržuka Sokałava-Vojuša (ZŠA), Jurasia Šamiećki (Kanada), apaviadańni Vitala Voranava (Polšča), Michasia Skiby (Bielhija), Cimocha Lijakumoviča (ZŠA), Anatola Maŭčuna (Polšča), Alesia Taranoviča (Niamieččyna), Maksa Ščura (Čechija), pierakłady Jakuba Łapatki (Finlandyja) i Viktara Kavaleŭskaha (Aŭstralija) dy inš.

Almanach vydajecca na achviaravańni samich aŭtaraŭ abo hramadskich dziejačaŭ.

Marat Kłakocki zaznačaje, što

dalejšy vychad litaraturnaha almanachu ŭ śviet budzie abumoŭleny dvuma čyńnikami:

prysutnaściu ŭ zamiežžy biełaruskich litarataraŭ, što chacieli b nadrukavać svaje tvory ŭ hetym vydańni, a taksama zacikaŭlenaściu i padtrymkaj čytačoŭ. Vydaviec vykazvaje spadzieŭ, što miarkujuč pa zacikaŭlenaści, u nastupnym hodzie almanach vyjdzie nie mienšym nakładam, čym sioleta.

Nakont pytańniaŭ nabyćcia almanacha, jak i papiarednich numaroŭ, možna prakansultavacca pa hetaj spasyłcy

***

Vychad nastupnaha numaru zapłanavany na žnivień-vierasień 2012 hoda.

Apošni numar dasyłki tvoraŭ — 1 červienia 2012 hoda. Adras hazetabelarus(at)att.net, abo ŭ zvyčajny sposab:

P. O. Box

Almanach drukujecca kłasičnym pravapisam, tamu (źviartaje ŭvahu redakcyja) usie rukapisy i kampjutarapisy buduć adaptavanyja da jaho.

***

Biełarus. Litaraturny almanach biełaruskich piśmieńnikaŭ zamiežža. 2011. — Ńju-Jork: Vydaviectva «Biełarus», 2011. — 240 s.

Čytajcie taksama:

Kamientary da artykuła