Ihar Kryvušenka ŭznačaliŭ uźbiekski «Šurtan»

sports.ru

47-hadovy biełaruski futbolny śpiecyjalist Ihar Kryvušenka, apošnim miescam pracy jakoha była rasijskaja «Sibir», uznačaliŭ uźbiekski «Šurtan» (Huzar), paviedamlaje wildstat.ru

Kantrakt raźličany na dva hady; meta, pastaŭlenaja pierad novym trenieram, — trapić u trojku pryzioraŭ čempijanata Uźbiekistana. Hety siezon «Šurtan» zaviaršyŭ na 7-m miescy, adstaŭšy ad čempijona «Buniedkora» na 29 ačkoŭ (usiaho ŭ pieršynstvie biaruć udzieł 14 kamandaŭ). U 2010 h. kamanda była 4-j (najlepšaje dasiahnieńnie). U vyšejšaj lizie kamanda vystupaje ad 2005 hoda.

***

Ihar Kryvušenka (nar. 1964) — viadomy biełaruski śpiecyjalist, u 2005—2007 hh. treniravaŭ barysaŭski BATE, jaki dvojčy pryvioŭ da załatych miedaloŭ biełaruskaha čempijanatu, treniravaŭ minskaje «Dynama» (listapad 2007 — vierasień 2008), novasibirskuju «Sibir» (2009–2011), jakuju vyvieŭ u rasijskuju prem'jer-lihu, ale praz hod kamanda viarnułasia ŭ pieršy dyvizijon.

Kryvušenka nazyvaŭsia ŭ jakaści pierajemnika Štanhie na pasadzie hałoŭnaha treniera nacyjanalnaj futbolnaj zbornaj.

Kamientary da artykuła