Chulihanam, što ŭzarvali pietardu na «Kupałaŭskaj», pahražaje da 6 hadoŭ turmy
Pa vynikach pravierki incydentu 19 listapada ŭ minskim mietro zaviedziena kryminalnaja sprava.
Śledčym adździełam papiaredniaha rasśledavańnia Leninskaha RUUS pa vynikach pravierki bojki, što adbyłasia 19 listapada na stancyi mietro «Kupałaŭskaja», zaviedziena kryminalnaja sprava, paviedamlaje
Kryminalnaja sprava raspačata ŭ dačynieńni da troch zatrymanych maładych ludziej, jakija padazrajucca ŭ ździajśnieńni chulihanskich dziejańniaŭ hrupaj asob, zaznačajecca ŭ paviedamleńni
***
Nahadajem, što 19 listapada, napiaredadni futbolnaha matču «Dynama» Brest — «Minsk», na stancyi mietro «Kupałaŭskaja» adbyłasia bojka pamiž fanatami.
Pabilisia paŭtara dziasiatki čałaviek, pry hetym adzin z udzielnikaŭ bojki ŭzarvaŭ pietardu.Pavodle adnych źviestak, u bojcy ŭdzielničali fanaty bresckaha «Dynama» i staličnaha «Minsku» (pavodle druhich źviestak, ź bieraściejcami bilisia fanaty «Partyzana»).
Milicyjanty zatrymali dzieviaciarych udzielnikaŭ bojki. Troje ź ich vyjavilisia niepaŭnaletnimi i byli pieradadzienyja baćkam. Šaściora byli źmieščanyja ŭ izalatar na Akreścina, a ŭ paniadziełak, 21 listapada, pakaranyja administracyjnym aryštam na termin ad 5 da 15 sutak.