U časie treniroŭki bresckich handbalistaŭ u Makiedonii prahrymieŭ vybuch
A na matčy na placoŭku kinuli pietardu.
Padčas treniroŭki Bresckaha handbolnaha kłuba imia Miaškova 3 śniežnia ŭ Bitole (Makiedonija) adbyŭsia vybuch, paviedamiła pres-słužba Biełaruskaj fiederacyi handboła.
Častku trybuny vyniesła na placoŭku, pamiaškańnie zaciahnuła dymam. Nichto ź biełaruskich handbalistaŭ i pradstaŭnikoŭ trenierskaha štaba nie paciarpieŭ, ale treniroŭka była sarvanaja, bresckuju kamandu ekstrana evakuiravali. Delehat Jeŭrapiejskaj handbolnaj fiederacyi Josip Posaviec (Charvatyja) prainfarmavaŭ ab incydencie JEHF.
BHK prybyŭ u Makiedoniju na matč u adkaz 1/16 finału Kubka Kubkaŭ suprać kamandy «Pielister 08». Hulnia pačałasia ŭ zapłanavany čas i zaviaršyłasia ź likam 26:25 na karyść bieraściejcaŭ, jakija vyjšli ŭ nastupny raŭnd (pieršy matč — 27:20 na ich karyść). Za 15 siekund da zakančeńnia hulni na placoŭku była kinuta pietarda.