U Minsku zatrymany sieryjny kvaterny złodziej
Supracoŭnikami Pieršamajskaha RUUS Minska pavodle padazreńnia va ŭčynieńni sieryi kvaternych kradziažoŭ zatrymany 25-hadovy žychar Tałačyna (Viciebskaja vobłaść), raniej nieadnarazova sudzimy za anałahičnyja złačynstvy.
Jak paviedamili ŭ HUUS Minharvykankama, ustanoŭlena, što padazrony pryjazdžaŭ u stalicu śpiecyjalna dla ŭčynieńnia złačynstvaŭ. Schiema była prostaj:
jon zachodziŭ u padjezdy, tam tuzaŭ za dźviarnyja ručki i, kali dźviery akazvalisia niezamknionymi, učyniaŭ kradziažy.
Charakterna, što pry ŭčynieńni kradziažu haspadary byli doma (hatavali na kuchni abo adpačyvali ŭ pakoi). Złamyśnik staraŭsia maksimalna cicha i chutka ściahnuć što-niebudź z prychožaj i chutka sychodziŭ. Zdabyčaj stanavilisia žanočyja sumki, a taksama mabilnyja telefony, załatyja ŭpryhažeńni, hrošy. Vykradzienuju majomaść mužčyna zbyvaŭ pa zanižanych cenach vypadkovym ludziam na vulicy.
Zaraz ustanoŭlena datyčnaść zatrymanaha da troch kradziažoŭ.
Adnak apieratyŭniki miarkujuć, što takich złačynstvaŭ bolš, pryčym nie tolki ŭ Pieršamajskim rajonie stalicy.
Darečy, apošniaj paciarpiełaj stała 75-hadovaja piensijanierka, jakaja vyjšła, nie začyniŭšy dźviery, padychać pavietram na vulicu. Chłopiec naŭzdahad tuzanuŭ ručku jaje dźviarej, a kali zrazumieŭ, što ŭnutry nikoha niama, mietadyčna staŭ abšukvać pakoi, u pieršuju čarhu źviartajučy ŭvahu na hetak zvanyja patajemnyja miescy. U šafie natknuŭsia na charakterny skrutak, razharnuŭ, tam było 1,5 młn. źbieražeńniaŭ haspadyni. Prapažu pažyłaja žančyna zaŭvažyła tolki praz tydzień.
Čytajcie taksama:
Kamientary da artykuła