Karałachci i Płat — u startavaj 5-cy Zachadu na matčy ŭsich zorak KCHŁ

Hulcy minskaha «Dynama» — abaronca Jere Karałachci i napadnik Džef Płat — trapili ŭ startavuju piaciorku kamandy Sandzisa Ozalińša (Zachodniaja kanfierencyja) na matčy ŭsich zorak Kantynientalnaj chakiejnaj lihi, jaki projdzie ŭ Ryzie 21 studzienia.

Siarod abaroncaŭ Karałachci nabraŭ najbolšuju kolkaść hałasoŭ — 32.844. Jaho partnioram budzie Maksim Čudzinaŭ z «Sievierstali», jaki zaniaŭ druhoje miesca (25.694). Treci vynik u samoha Ozalińša (25.040), čaćviorty — u minskaha dynamaŭca Łukaša Krajčaka (22.381).

Płat staŭ trecim pavodle vynikaŭ hałasavańnia za napadnikaŭ (32.717). Partniorami chakieista pa piaciorcy buduć Mikielis Redlichs z ryžskaha «Dynama» (34.070) i Vadzim Šypačoŭ z «Sievierstali» (32.904). Čaćviorty vynik u Zbynieka Irhła (31.801), šosty — u Tejemu Łajnie (25.230) — hulcoŭ biełaruskaha kłuba.

Abaraniać varoty kamandy Ozalińša budzie Kanstancin Barulin z myciščanskaha «Atłanta» (32.706). Kievin Łałand ź minskaha «Dynama» zaniaŭ druhoje miesca (30.350).

U kamandu Siarhieja Fiodarava (Uschodniaja kanfierencyja) uvajšli varatar Michaił Birukoŭ («Juhra», Chanty-Mansijsk), abaroncy Ilja Nikulin («Ak Bars», Kazań) i Mika Miajenpia («Amur», Chabaraŭsk), napadnik Jaŭhien Kuźniacoŭ («Traktar», Čalabinsk),

biełaruski lehijanier Alaksiej Kalužny («Avanhard», Omsk)

Abaronca zbornaj Biełarusi i «Aŭtamabilista» (Jekaciarynburh) Viktar Kaściučonak zaniaŭ čaćviortaje miesca, napadnik zbornaj i «Juhry» Siarhiej Dziamahin — siomaje.

5 śniežnia pačaŭsia druhi etap hałasavańnia za składy kamand. Svoj vybar robiać pradstaŭniki ŚMI.

Kamientary da artykuła