U Eŭraparlamencie Dzień Biełarusi, staršynia Eŭraparlamentu sustreŭsia ź Milinkievičam
Dzień Biełarusi byŭ arhanizavany frakcyjaj Eŭrapiejskaj narodnaj partyi «Eŭrapiejskija demakraty».
U čaćvier u Eŭraparlamencie prajšoŭ Dzień Biełarusi, arhanizavany frakcyjaj Eŭrapiejskaj narodnaj partyi «Eŭrapiejskija demakraty». Z hetaj nahody ŭ Bruseli znachodzilisia eks‑kandydat na prezydenta Biełarusi Alaksandar Milinkievič, staršynia Partyi BNF Vincuk Viačorka, staršynia Biełaruskaj asacyjacyi žurnalistaŭ Žanna Lićvina, doktar sacyjalohii Andrej Vardamacki, a taksama Iryna Kazulina.
U słuchańniach brali ŭdzieł pradstaŭniki Eŭraparlamentu, Eŭraźviazu, Parlamenckaj asamblei Rady Eŭropy, Dziarždepartamentu ZŠA.
U sieradu ž Alaksandar Milinkievič mieŭ sustreču z novym staršyniom Eŭraparlamentu Hansam-Hiertam Poterynham. Staršynia Eŭraparlamentu vykazaŭ upeŭnienaść, što pieramoha demakratyi ŭ Biełarusi “heta tolki pytańnie času”: "Biełaruś naležyć da siamji eŭrapiejskich narodaŭ. Hramadzianie Vašaj krainy majuć prava na svabodu. My asudžajem palityku śviadomaha parušeńnia pravoŭ čałavieka i hrebavańnia asnoŭnymi svabodami, jakuju viadzie režym u Miensku. Pierakanany, što pieramoha demakratyi ŭ Biełarusi tolki pytańnie času", - zajaviŭ Poterynh.