Karcina biełaruskaha mastaka pradadzienaja na aŭkcyjonie za $17 młn
Pakupnica pažadała zastacca nieviadomaj.
U Londanie prajšoŭ aŭkcyjon impresijanistaŭ i madernistaŭ Sotheby's, jaki sabraŭ 94,9 młn. funtaŭ — najbolšuju sumu dla eŭrapiejskich tarhoŭ.
47 łotaŭ byli pradadzienyja za sumu bolš jak 1 młn dalaraŭ. Top‑list uznačaliła karcina «Mužčyna ŭ čyrvonym šali», napisanaja Chaimam Sucinym u 1921 h. Karcina była pradadzienaja za 8,7 młn. funtaŭ (17,2 młn dalaraŭ). Pakupnica pažadała zastacca nieviadomaj.
❏
Suśvietna viadomy mastak Chaim Sucin naradziŭsia ŭ 1893 h. u Śmiłavičach (siońnia Červienski rajon Mienskaj vobłaści) u habrejskaj siamji. Chaim z 1907 pa 1910 h. žyŝ u Miensku, dzie pracavaŭ retušoram u fatahrafičnaj majsterni, u 1910 h. źjechaŭ u Vilniu vučycca ŭ mastackaj škole, a ŭ 1913 h. -- u Paryž, dzie i zdabyŭ papularnaść. Pamior 9 žniŭnia 1943 h.
Frahment repradukcyi karciny "Mužčyna ŭ čyrvonym šaliku" ŭziaty z sajtu sothebys.