Redaktar «Dziejasłova» Barys Piatrovič — novym staršyniom Sajuza piśmieńnikaŭ

Piatrovič pryjšoŭ u litaraturu ŭ 80-ch, naležyć da znanaha piśmieńnickaha rodu z paŭdniovaj Homielščyny.

Fota Julii Daraškievič (z archiva).

Kandydatura Barysa Piatroviča (Sačanki) razhladajecca ŭ jakaści biezalternatyŭnaj na pasadu staršyni niezaležnaha Sajuza biełaruskich piśmieńnikaŭ, 16-y źjezd jakoha prachodzić siońnia ŭ minskim Pałacy mastactvaŭ.

Piatrovič naradziŭsia na poŭdni Homielščyny, jon naležyć da rodu, jaki daŭ niekalki piśmieńnikaŭ. Jon pryjšoŭ u litaraturu ŭ 80-ja, naležaŭ da niezaležnickaha zhurtavańnia moładzi «Tutejšyja». Doŭhi čas jon adpracavaŭ u haziecie «Litaratura i mastactva».

Za jahonuju kandydaturu byli padadzieny 184 hałasy, suprać — 11.

U źjeździe brali ŭdzieł kala 200 delehataŭ, što pradstaŭlajuć 416 čalcoŭ niezaležnaha SBP. U Biełarusi isnujuć dva piśmieńnickija sajuzy — łajalny ŭładam Sajuz piśmieńnikaŭ Biełarusi (u narodzie — «čarhincoŭski») i niezaležny Sajuz biełaruskich piśmieńnikaŭ (SBP), jakim z 2002 hoda kiravaŭ Aleś Paškievič. Hety źjezd i prachodzić siońnia.

Padčas źjezda z šerahaŭ SBP byŭ vyklučany Vasil Jakavienka za paklopnickuju dziejnaść i abrazy siabraŭ Sajuza.

Kamientary da artykuła